ഇരിക്കാൻ മാത്രമല്ല, നിരത്തിലൂടെ ഓടിക്കുകയും ചെയ്യാം- ഇത് പായും സോഫ
ടെക്‌നോളജിയുടെ വളർച്ച മനുഷ്യനെ വേറിട്ട തലങ്ങളിൽ കൊണ്ടുചെന്നെത്തിച്ചിയ്ക്കുകയാണ്. പുതിയ കണ്ടുപിടുത്തങ്ങളും കാഴ്ചപ്പാടുകളും ലോകത്തിന്റെ വളർച്ചയിൽ വലിയ സ്വാധീനവും ചെലുത്തുന്നുണ്ട്. ഇപ്പോഴിതാ, സഞ്ചരിക്കുന്ന ഒരു സോഫ വാർത്തകളിൽ ഇടംനേടുകയാണ്. വ്യവസായിയായ ആനന്ദ് മഹീന്ദ്ര രണ്ട് പേർ എങ്ങനെയാണ് സോഫയെ വാഹനമാക്കിയതെന്ന് കാണിക്കുന്ന വിഡിയോ ഓൺലൈനിൽ പങ്കിട്ടു. ഒരു രാജ്യം ഓട്ടോമൊബൈൽ രംഗത്തെ അതികായനാകണമെങ്കിൽ, അതിന് അത്തരം നിരവധി “ഗാരേജ്” കണ്ടുപിടുത്തക്കാർ ആവശ്യമാണ് എന്ന് കുറിച്ചുകൊണ്ടാണ് അദ്ദേഹം വിഡിയോ പങ്കുവെച്ചത്.
3D മോഡലിംഗും അടിസ്ഥാന ഉപകരണങ്ങളും ഉപയോഗിച്ച് ഡ്രൈവ് ചെയ്യാവുന്ന സോഫ ഉണ്ടാക്കിയതായി ഫോസ്ബൈറ്റ്‌സ് പോസ്റ്റ് ചെയ്ത വിഡിയോയിൽ പറയുന്നു. 2,995 സ്വീഡിഷ് ക്രോണറിന് (ഏകദേശം 24,000 രൂപ) ഐ‌കെഇ‌എയിൽ നിന്ന് ഒരു സാധരണ സോഫ വാങ്ങി, തന്റെ അവിശ്വസനീയമായ കഴിവുകൾ ഉപയോഗിച്ച് അദ്ദേഹം അത് ഈ നിലയിലേക്ക് എത്തിച്ചു. മോട്ടറൈസ്ഡ് സോഫയിൽ ബ്രിഗ്സ് & സ്ട്രാറ്റൺ 9 എച്ച്പി എഞ്ചിൻ ഉപയോഗിക്കുന്നു, അത് റിയർ ആക്സിൽ ഓടിക്കുന്നതാണ്. ഇത് ഒരു വിപുലമായ DIY പരീക്ഷണമായിരുന്നു. എന്തായാലും അത് വിജയകരമാകുകയും ചെയ്തു.
Just a fun project? Yes, but look at the passion and engineering effort that went into it. If a country has to become a giant in automobiles, it needs many such ‘garage’ inventors…
— anand mahindra (@anandmahindra) December 30, 2023
Happy driving kids, and I’d like to see the look on the face of the RTO inspector in India, when… pic.twitter.com/sOLXCpebTU
Read also: ഷൈൻ ടോം ചാക്കോ വിവാഹിതനാകുന്നു- വിവാഹനിശ്ചയ ചിത്രങ്ങൾ
“വെറും രസകരമായ ഒരു പദ്ധതിയാണോ? അതെ, എന്നാൽ അതിനുള്ള അഭിനിവേശവും എഞ്ചിനീയറിംഗ് പരിശ്രമവും നോക്കൂ. ഒരു രാജ്യത്തിന് ഓട്ടോമൊബൈൽ രംഗത്തെ അതികായനാകണമെങ്കിൽ, അത്തരം നിരവധി ‘ഗാരേജ്’ കണ്ടുപിടിത്തക്കാർ ആവശ്യമാണ്…സന്തോഷമുള്ള ഡ്രൈവിംഗ് , നിങ്ങൾ ഇത് രജിസ്റ്റർ ചെയ്യാൻ ഡ്രൈവ് ചെയ്യുമ്പോൾ ഇന്ത്യയിലെ RTO ഇൻസ്പെക്ടറുടെ മുഖം കാണാൻ ഞാൻ ആഗ്രഹിക്കുന്നു. !” മഹീന്ദ്ര ഗ്രൂപ്പ് ചെയർപേഴ്സൺ ആനന്ദ് മഹീന്ദ്ര എഴുതിയിരിക്കുന്നു.
Story highlights- video of motorised sofa
