വേറിട്ടൊരു ഹോബി വേണം; അധ്യാപികയിൽ നിന്നും മത്സ്യകന്യകയായി യുവതി!
ആഗ്രഹിച്ച ജോലി ചെയ്യുന്നതിനോളം തൃപ്തിയുള്ള മറ്റൊന്നില്ല. ഇഷ്ടമുള്ള ജോലി തിരഞ്ഞെടുത്താൽ ജീവിതത്തിൽ ഒരു ദിവസം പോലും ജോലി ചെയ്യേണ്ടി വരില്ല എന്നാണ് പറയപ്പെടുന്നത്. അങ്ങനെ ഇഷ്ടജോലി നേടാനായി സ്ഥിരതയുള്ള അധ്യാപന ജോലി ഉപേക്ഷിച്ച് ഇറങ്ങിയ യുവതിയാണ് ഇപ്പോൾ സമൂഹമാധ്യമങ്ങളിൽ താരം. ഇംഗ്ലണ്ടിൽ നിന്നുള്ള ഈ യുവതി ഇറ്റലിയിൽ ഒരു മുഴുവൻ സമയ പ്രൊഫഷണൽ മത്സ്യകന്യകയാകാൻ വേണ്ടി ഇംഗ്ലീഷ് അധ്യാപികയുടെ ജോലി ഉപേക്ഷിച്ച് ഇറങ്ങുകയായിരുന്നു.
33 കാരിയായ മോസ്, ഡെവണിലെ ടോർക്വേ സ്വദേശിയാണ്. ഇംഗ്ലീഷ് പഠിപ്പിക്കുന്നതിനായി 2016 ൽ സിസിലിയിലേക്ക് മാറിയതായിരുന്നു. ഒരു ‘ മെർമാൻ’ വേഷം ധരിച്ച ഒരാൾ കടലിൽ നിന്ന് ഒരിക്കൽ കടൽത്തീരത്ത് വരുന്നത് കണ്ടതിന് ശേഷമാണ് മെർമെയ്ഡിംഗ് എന്ന ആശയം യുവതിയിൽ ഉടലെടുത്തത്. “ഒറ്റപ്പെട്ട കടൽത്തീരത്ത് അയാൾ ഇരിക്കുന്നത് ശരിക്കും മാന്ത്രികമായിരുന്നു- ആ നിമിഷം എനിക്ക് അത് ശരിക്കും വ്യക്തമായി. ഒരു പുതിയ ഹോബി എന്ന നിലയിൽ ഞാൻ ആഗ്രഹിച്ചത് മെർമെയ്ഡിംഗ് ആയിരുന്നു- ഇത് കുറച്ച് വ്യത്യസ്തമായിരുന്നു, എനിക്ക് അത് ഒറ്റയ്ക്ക് ചെയ്യാൻ കഴിയും എന്നതാണ് പ്രത്യേകത’ – യുവതി പറയുന്നു.
മെർമെയ്ഡിംഗിൽ നീന്തുമ്പോൾ വാൽ ധരിക്കണം. വളരെ അസ്വസ്ഥമായ ഒരു വേഷമാണ് ഇത്. എന്നാൽ, മോസ് എന്ന യുവതി അത് നന്നായി ആസ്വദിക്കുന്നു, കാരണം ഇത് പ്രകൃതിയുമായും കടലുമായും കൂടുതൽ സമ്പർക്കം പുലർത്താൻ സഹായിക്കുന്നു എന്നാണ് ഇവർ വിശ്വസിക്കുന്നത്. ഒരു ഹോബിയിൽ നിന്ന് ആരംഭിച്ച് ഒടുവിൽ ഇൻസ്റ്റാഗ്രാമിലൂടെ ഈ മേഖലയിൽ താരമായതിനു ശേഷം യുവതിയുടെ പ്രൊഫഷണൽ ജോലിയായി മാറി, മെർമെയ്ഡിംഗ്.
Story highlights- Woman quits job to become full-time professional mermaid
