കാഴ്ചകളുടെ സമൃദ്ധിയിലേക്ക് മെല്ലെ കൂകിപ്പാഞ്ഞ് ഓടിത്തുടങ്ങിയിട്ട് 125 വർഷം; ഊട്ടിയുടെ പർവത ട്രെയിന് പിറന്നാൾ
കുന്നുകളുടെയും താഴ്‌വരകളുടെയും അതിമനോഹരമായ കാഴ്ചകൾ സമ്മാനിച്ച് ട്രാക്കിലൂടെ പായുന്ന വളഞ്ഞുപുളഞ്ഞ വിൻ്റേജ് തീം ട്രെയിൻ. നീലഗിരി മൗണ്ടൻ റെയിൽവേ സഞ്ചാരികൾക്ക് മനോഹരമായ ഒരു അനുഭവമാണ് പ്രദാനം ചെയ്യുന്നത്. ലോകത്തിലെ ഏറ്റവും മനോഹരമായ സ്ഥലങ്ങളിൽ ഒന്നാണ് നീലഗിരി പർവതനിര. സമൃദ്ധമായ പച്ചപ്പിൽ പൊതിഞ്ഞ, ഗംഭീരമായ പർവതനിരകളാൽ, അതിശയകരമായ പശ്ചാത്തലം സൃഷ്ടിക്കുന്ന ഈ പ്രദേശം ആരെയും ആകർഷിക്കുന്ന കാഴ്ചകൾ വാഗ്ദാനം ചെയ്യുന്നു. പ്രകൃതിയുടെ നേർക്കാഴ്ചകൾ ഏറ്റവും നന്നായി ആസ്വദിച്ചുകൊണ്ട് ഈ പ്രദേശത്തുകൂടി ഒരു ട്രെയിൻ യാത്ര. അതാണ് നീലഗിരി മൗണ്ടൻ റെയിൽവേ നിങ്ങൾക്ക് വാഗ്ദാനം ചെയ്യുന്നത്. ഇന്നിതാ, ആ ഓട്ടം 125 വര്ഷം പൂർത്തിയാക്കുകയാണ്.
ഇന്ത്യയിലെ ഏറ്റവും പഴയ പർവത റെയിൽവേ ലൈനുകളിലൊന്നും രാജ്യത്ത് ഇപ്പോഴും ഓടിക്കൊണ്ടിരിക്കുന്ന മൂന്ന് പർവത തീവണ്ടിപ്പാതകളിൽ ഒന്നുമായ മേട്ടുപ്പാളയം മുതൽ ഉദഗമണ്ഡലം വരെയുള്ള 46.6 കിലോമീറ്റർ പാത കുത്തനെയുള്ള ഗ്രേഡിയൻ്റിലേക്ക് ട്രെയിനിനെ നയിക്കുന്ന റാക്ക് ആൻഡ് പിനിയൻ സംവിധാനത്തിന് പേരുകേട്ടതാണ്.
യുനെസ്‌കോയുടെ ലോക പൈതൃക പട്ടികയിലും ഇടംനേടിയ ഈ ട്രെയിൻ മറ്റാരേക്കാളും കുട്ടികളെ ആവേശം കൊള്ളിക്കുന്നതിനാൽ ‘ടോയ് ട്രെയിൻ’ എന്നാണ് വിളിക്കപ്പെടുന്നത്. ഈ കാഴ്ചകൾ ആസ്വദിച്ച് പതുക്കെ യാത്ര .അതായത് ഏറ്റവും വേഗത കുറഞ്ഞ റെയിൽവേ ലൈനും ഇതാണ്. തുരങ്കങ്ങൾ, ഇടുങ്ങിയ പാലങ്ങൾ, എന്നിവയിലൂടെ ഈ ട്രെയിൻ കടന്നുപോകുന്നു. തീവണ്ടിയുടെ ആകെ ദൂരം 46 കിലോമീറ്ററാണ്, ഊട്ടിയിലെ ടോപ്പ് പോയിൻ്റിൽ എത്താൻ ഏകദേശം 5 മണിക്കൂർ എടുക്കും.
1908-ൽ ബ്രിട്ടീഷുകാർ നിർമ്മിച്ച ഈ ട്രെയിൻ ഈ ഘട്ടത്തിൽ ഇന്ത്യയിലെ ഒരേയൊരു പ്രവർത്തന റാക്ക് റെയിൽവേയാണ്. സ്റ്റീം ലോക്കോമോട്ടീവുകൾ ഉപയോഗിക്കുന്ന ഈ ട്രെയിൻ ഇന്ത്യയുടെ ദക്ഷിണ റെയിൽവേയാണ് പ്രവർത്തിപ്പിക്കുന്നത്. മേട്ടുപ്പാളയത്ത് നിന്ന് ആരംഭിച്ച് ഊട്ടിയിലാണ് ട്രെയിൻ അവസാനിക്കുന്നത്. കൂനൂർ, വെല്ലിംഗ്ടൺ, ലവ് ഡെയ്ൽ, ഫേൺ ഹിൽ എന്നിവയുൾപ്പെടെ നിരവധി ഹിൽ സ്റ്റേഷനുകളിലൂടെ ഇത് കടന്നുപോകുന്നു.
ഡാർജിലിംഗ് ഹിമാലയൻ റെയിൽവേയുടെ വിപുലീകരണമായി 2005-ൽ യുനെസ്കോ റെയിൽവേയെ ലോക പൈതൃക സ്ഥലമായി പ്രഖ്യാപിച്ചു. അതിനുശേഷം ഇത് ഇന്ത്യയിലെ മൗണ്ടൻ റെയിൽവേയുടെ മഹത്തായ പൈതൃക സ്ഥലത്തിൻ്റെ ഭാഗമാണ്.
Story highlights- The Nilgiri Mountain Railway completes 125 years
