ഇനി പുഞ്ചിരിച്ചാലേ കാര്യമുള്ളു; ചിരിയിലൂടെ ജോലിക്ക് യോഗ്യരാണോ എന്നറിയാൻ എഐ
![](https://flowersoriginals.com/wp-content/uploads/2024/07/Untitled-design-2024-07-24T144845.401.jpg)
ജോലി സ്ഥലങ്ങൾ എപ്പോഴും സൗഹാർദപരമായിരിക്കില്ല. പലതരം സമ്മർദ്ദങ്ങൾ പല സാഹചര്യങ്ങളിലും അഭിമുഖീകരിക്കേണ്ടി വരും. ജോലിയെ ജോലിയായി കണ്ട് ഒരു ചെറുപുഞ്ചിരിയോടെ ഇരിക്കുന്നവരും അതിൽ അങ്ങേയറ്റം മാനസിക പ്രശ്നങ്ങൾ അഭിമുഖീകരിക്കുന്നവരും ഉണ്ട്. ഇപ്പോഴിതാ, അത്തരം സാഹചര്യങ്ങളെക്കുറിച്ചുള്ള ചർച്ചകൾ ശക്തമായി ഉയരുമ്പോൾ ജാപ്പനീസ് സൂപ്പർമാർക്കറ്റ് ശൃംഖലയായ AEON അതിൻ്റെ ജീവനക്കാരുടെ പുഞ്ചിരി വിലയിരുത്തുന്നതിനും ജോലിസ്ഥലത്തെ നിലവാരം പുലർത്തുന്നതിനുമായി ഒരു ആർട്ടിഫിഷ്യൽ ഇൻ്റലിജൻസ് (AI) സംവിധാനം കൊണ്ടുവന്നിരിക്കുകയാണ്. ഇത് ജോലിസ്ഥലത്തെ മാനസിക സമ്മര്ദങ്ങളെക്കുറിച്ചുള്ള ചർച്ചകൾ ഉയർത്തുന്നു.
ജൂലൈ 1നാണ് ഒരു പുഞ്ചിരി-വിലയിരുത്തൽ AI സംവിധാനം പ്രോത്സാഹിപ്പിക്കുന്ന ലോകത്തിലെ ആദ്യത്തെ കമ്പനിയായി മാറിയെന്ന് പ്രഖ്യാപിച്ചത്. ഇത് രാജ്യത്തുടനീളമുള്ള 240 ഷോപ്പുകളിൽ ഉപയോഗിക്കുന്നു. ‘മിസ്റ്റർ സ്മൈൽ’ എന്ന് വിളിക്കപ്പെടുന്ന ഇത് ജാപ്പനീസ് ടെക്നോളജി കമ്പനിയായ InstaVR വികസിപ്പിച്ചെടുത്തതാണ്. കൂടാതെ ഒരു ഷോപ്പ് അസിസ്റ്റൻ്റിൻ്റെ സേവന മനോഭാവം കൃത്യമായി റേറ്റുചെയ്യാൻ കഴിയുമെന്നും പറയപ്പെടുന്നു.
Read also: ഏകാന്തത സഹിക്കാൻ വയ്യ; വീക്കെൻഡിൽ ഓട്ടോറിക്ഷ ഡ്രൈവറായി മൈക്രോസോഫ്റ്റ് എഞ്ചിനിയർ
മുഖഭാവങ്ങൾ, ശബ്ദതരംഗങ്ങൾ, ടോൺ എന്നിവയുൾപ്പെടെ 450-ലധികം ഘടകങ്ങൾ ഈ സിസ്റ്റം ഉൾക്കൊള്ളുന്നു. ജീവനക്കാരുടെ സ്കോറുകളെ വെല്ലുവിളിച്ച് അവരുടെ മനോഭാവം മെച്ചപ്പെടുത്താൻ സാധിക്കുന്ന ചില ഘടകങ്ങൾ ഉപയോഗിച്ചാണ് ഇത് രൂപകൽപ്പന ചെയ്തിരിക്കുന്നത്. ഏകദേശം 3,400 സ്റ്റാഫ് അംഗങ്ങളുള്ള എട്ട് സ്റ്റോറുകളിൽ ഈ സിസ്റ്റത്തിൻ്റെ പരീക്ഷണം നടത്തിയതായും മൂന്ന് മാസത്തിനിടെ സേവന മനോഭാവം 1.6 മടങ്ങ് വരെ മെച്ചപ്പെട്ടതായും AEON പറഞ്ഞു.
Story highlights- company to use AI to measure attitudes of customer facing employees