‘കാട്ടാളൻ’ തായ്‌ലൻ്റിൽ; ചിത്രീകരിക്കുന്നത് മാസ്സ് ആക്ഷൻ രംഗങ്ങൾ
പാൻ ഇന്ത്യൻ ബ്ലോക്ക്ബസ്റ്റർ ആയ ‘മാർക്കോ’ എന്ന മാസ്സ് ആക്ഷൻ ത്രില്ലർ ചിത്രത്തിന് ശേഷം ക്യൂബ്സ് എന്റർടൈൻമെന്റ്സിന്റെ ബാനറിൽ ഷെരീഫ് മുഹമ്മദ് നിർമ്മിക്കുന്ന ബ്രഹ്മാണ്ഡ ചിത്രമായ ‘കാട്ടാളന്റെ’ ചിത്രീകരണം തായ്‌ലൻ്റിൽ ആരംഭിച്ചു. പാൻ ഇന്ത്യൻ ചിത്രമായി അവതരിപ്പിക്കുന്ന ‘കാട്ടാളൻ’ ഏകദേശം നാൽപ്പത്തിയഞ്ചു കോടിയോളം രൂപയുടെ ബഡ്ജറ്റിൽ ബ്രഹ്മാണ്ഡ ക്യാൻവാസിലാണ് അവതരിപ്പിക്കുന്നത്. ആൻ്റണി വർഗീസിനെ നായകനാക്കി ആക്ഷൻ ത്രില്ലറായി ഒരുക്കുന്ന ചിത്രം നവാഗതനായ പോൾ ജോർജ് ആണ് സംവിധാനം ചെയ്യുന്നത്. ‘ഓങ് ബാക്ക്’ സീരീസ് ഉൾപ്പെടെയുള്ള വമ്പൻ അന്താരാഷ്ട്ര ആക്ഷൻ ത്രില്ലറുകൾക്ക് സംഘട്ടനം ഒരുക്കിയ ലോകപ്രശസ്തനായ കെച്ച കെംബാക്ഡിയുടെയും അദ്ദേഹത്തിൻ്റെ ടീമിൻ്റെയും നേതൃത്വത്തിൽ ആണ് ചിത്രത്തിലെ ആക്ഷൻ രംഗങ്ങൾ തായ്‌ലൻ്റിൽ ഒരുക്കുന്നത്. ‘ഓങ് ബാക്ക്’ സീരീസിൽ പ്രത്യക്ഷപ്പെട്ട ‘പോങ്’ എന്ന് പേരുള്ള ആനയും ‘കാട്ടാളൻ്റെ’ ഭാഗമാണ്.
നേരത്തെ പുറത്ത് വന്ന ചിത്രത്തിന്റെ ടൈറ്റിൽ ലുക്ക് പോസ്റ്റർ സോഷ്യൽ മീഡയയിൽ വൈറലായി മാറിയിരുന്നു. ‘കാന്താര’, ‘മഹാരാജ’ എന്നീ ചിത്രങ്ങളിലൂടെ തെന്നിന്ത്യയിൽ തരംഗമായി മാറിയ കന്നഡ മ്യൂസിക് ഡയറക്ടർ അജനീഷ് ലോക്നാഥ് ആണ് ചിത്രത്തിന് സംഗീതമൊരുക്കുന്നത്. തെലുങ്കിലെ പ്രശസ്ത താരം സുനിൽ, ‘മാർക്കോ’യിലൂടെ മലയാളത്തിലെത്തി ശ്രദ്ധ നേടിയ കബീർദുഹാൻ സിംഗ്, റാപ്പർ ബേബി ജീൻ, തെലുങ്കു താരം രാജ് തിരാണ്ടുസു,ബോളിവുഡ് താരം പാർഥ് തിവാരി, മലയാളത്തിൽ നിന്നും ജഗദീഷ്, സിദ്ദിഖ്, വ്ളോഗറും സിംഗറുമായ ഹനാൻഷാ, എന്നിവരും ചിത്രത്തിൽ നിർണ്ണായക വേഷങ്ങൾ ചെയ്യുന്നു. മലയാള സിനിമ കണ്ട ഏറ്റവും വലിയ പൂജ ചടങ്ങുകളോടെയാണ് ചിത്രം കഴിഞ്ഞ മാസം ലോഞ്ച് ചെയ്തത്.
ചിത്രത്തിന് സംഭാഷണങ്ങൾ രചിക്കുന്നത് ഉണ്ണി ആർ ആണ്. എക്സികുട്ടീവ് പ്രൊഡ്യൂസർ: ജുമാന ഷരീഫ്, രചന: ജോബി വർഗീസ്, പോൾ ജോർജ് , ജെറോ ജേക്കബ്, ഛായാഗ്രഹണം: റെനഡിവേ, സംഗീതം: ബി അജെനീഷ് ലോക്നാഥ്, എഡിറ്റിംഗ്: ഷമീർ മുഹമ്മദ്, പ്രൊഡക്ഷൻ കൺട്രോളർ: ദീപക് പരമേശ്വരൻ, ഓഡിയോഗ്രഫി: രാജകൃഷ്ണൻ എം ആർ, പ്രൊഡക്ഷൻ ഡിസൈൻ: സുനിൽ ദാസ്, സംഘട്ടനം: കെച്ച കെംബാക്ഡി, ആക്ഷൻ സന്തോഷ്, ക്രീയേറ്റീവ് പ്രൊഡ്യൂസർ: ഡിപിൽ ദേവ്, സൗണ്ട് ഡിസൈനർ: കിഷൻ, വസ്ത്രാലങ്കാരം: ധന്യ ബാലകൃഷ്ണൻ, മേക്കപ്പ്: റോണക്സ് സേവ്യർ, ഫോട്ടോഗ്രാഫർ: അമൽ സി സദർ, നൃത്തസംവിധാനം: ഷരീഫ്, വിഎഫ്എക്സ്: 3DS , ടൈറ്റിൽ ഗ്രാഫിക്സ്: ഐഡൻറ് ലാബ്സ്, സ്റ്റണ്ട് ട്രെയ്നർ: അഷറഫ് KFT , പബ്ലിസിറ്റി ഡിസൈൻ: യെല്ലോ ടൂത്സ്, ഡിജിറ്റൽ മാർക്കറ്റിംഗ്: ഒബ്സ്ക്യൂറ പിആർഒ: വൈശാഖ് സി വടക്കേവീട്, ജിനു അനിൽകുമാർ.
Story highlight: ‘Kattalan’ movie shoots start in Thailand.
