ഗോവ രാജ്യാന്തര ചലച്ചിത്ര മേളയിൽ ‘സർക്കീട്ടി’ലെ ജെപ്പുവിന്റൈ പ്രകടനത്തിന് പ്രത്യേക ജൂറി പരാമർശം

November 30, 2025
'Sarkeeti' actor Orhan received a Special Jury Mention for his outstanding performance.

ആസിഫ് അലി നായകനായി താമർ കെ.വി സംവിധാനം ചെയ്ത ‘സർക്കീട്ട്’ ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിച്ച ബാലതാരം ഒര്‍ഹാന്‍നാണ് ഗോവ രാജ്യാന്തര ചലച്ചിത്ര മേളയിൽ പ്രത്യേക ജൂറി പരാമർശം ലപിച്ചിരിക്കുന്നത്. ദിവ്യ പ്രഭ, ദീപക് പറമ്പോല്‍, രമ്യ സുരേഷ്, പ്രശാന്ത് അലക്‌സാണ്ടര്‍, സ്വാതിദാസ് പ്രഭു, ഗോപന്‍ അടാട്ട്, സിന്‍സ് ഷാന്‍ എന്നിവരാണ് ചിത്രത്തിലെ മറ്റുപ്രധാനതാരങ്ങള്‍. കഥയിലെ കേന്ദ്രകഥാപാത്രങ്ങളായ ആമിര്‍, ജെഫ്റോണ്‍ എന്നിവരിലൂടെ പ്രവാസി ജീവിതത്തിന്റെ വ്യക്തിപരവും വൈകാരികവുമായ പോരാട്ടങ്ങളുടെ വളരെ റിയലിസ്റ്റിക്കായ ചിത്രീകരണമാണ് ചിത്രത്തിലൂടെ സംവിധായകന്‍ പ്രേക്ഷകരിലേക്ക് എത്തിച്ചത്. അജിത് വിനായക ഫിലിംസിന്റെ ബാനറില്‍ വിനായക അജിത് നിര്‍മ്മിച്ച ഈ ചിത്രം പൂര്‍ണ്ണമായും ഗള്‍ഫ് രാജ്യങ്ങളിലാണ് ചിത്രീകരിച്ചത്. ആക്ഷന്‍ ഫിലിംസിന്റെ ബാനറില്‍ ചിത്രത്തിന്റെ സഹനിര്‍മാണം നിര്‍വഹിച്ചത് ഫ്ളോറിന്‍ ഡൊമിനിക് ആണ്. ഒരിക്കലും സാധ്യമാകാന്‍ ഇടയില്ലെന്നു ലോകം കരുതുന്ന ഒരു മനോഹര സൗഹൃദത്തിന്റെ കഥ പറഞ്ഞ ചിത്രം ഒടിടി റിലീസിന് ശേഷം വലിയ പ്രേക്ഷക പ്രതികരണമാണ് നേടിയത്.

Story highlights: ‘Sarkeeti‘ actor Orhan received a Special Jury Mention for his outstanding performance.