ഡിജോ ജോസ് ആന്റണി – ടോവിനോ തോമസ് ചിത്രം ‘പള്ളിച്ചട്ടമ്പി’ ടീസർ പുറത്തിറങ്ങി
ടൊവിനോ തോമസിനെ നായകനാക്കി ഡിജോ ജോസ് ആന്റണിയുടെ സംവിധാനത്തിൽ ഒരുങ്ങുന്ന ‘പള്ളിച്ചട്ടമ്പി’യിലെ ടീസർ പുറത്തിറങ്ങി. ത്രില്ലിംഗ് ആക്ഷൻ സീക്വൻസുകൾ നിറഞ്ഞ രംഗങ്ങളാണ് ടീസറിൽ ഉടനീളം . മലയാളത്തിന്റെ സിനിമ ചരിത്രത്തിൽ മറ്റൊരു നാഴിക കല്ലായി പള്ളിച്ചട്ടമ്പിയും ഇടം പിടിക്കുമെന്നു ടീസറിലൂടെ വ്യക്തമാണ്. പ്രായഭേദമന്യേ എല്ലാവർക്കും ആസ്വദിക്കാനുള്ള ചിത്രമായിരിക്കുമെന്ന് ടീസർ ഉറപ്പ് നൽകുന്നു. ഹിറ്റ് മ്യൂസിക്ക് മേക്കർ ജേക്ക്സ് ബിജോയ് സംഗീതം നൽകി ബോളിവുഡിലെ ട്രെൻഡിങ് ഗായകൻ വിശാൽ മിശ്ര മലയാളത്തിൽ ആദ്യമായി ആലപിക്കുന്ന ‘കാട്ടുചെമ്പകം’ എന്ന ഗാനം ഇതിനോടകം തന്നെ ട്രെൻഡിങ് ലിസ്റ്റിൽ ഇടം പിടിച്ചിട്ടുണ്ട് . വിശാൽ മിശ്രയോടൊപ്പം ആവണി മൽഹാരും ചേർന്നാണ് ഈ ഗാനം ആലപിച്ചിരിക്കുന്നത്.
ഒരു പിരിയോഡിക്കൽ ഡ്രാമ ആക്ഷൻ അനുഭവമാണ് ടീസർ നൽകുന്നത് . ടോവിനോക്കൊപ്പം വിജയ രാഘവനും പ്രധാന വേഷത്തിൽ എത്തുന്നു. തെന്നിന്ത്യൻ ട്രെൻഡിങ് സ്റ്റാർ കയാദു ലോഹർ ആണ് നായിക. ചിത്രത്തിന്റെ ഇത് വരെയുള്ള അപ്ഡേറ്റുകളിൽ കോരിത്തരിപ്പിക്കുന്ന ടീസർ രംഗങ്ങവും മനോഹരമായ ഇമോഷണൽ ഫാമിലി സോങ്ങും ആണ് അണിയറക്കാർ പുറത്തു വിട്ടിരിക്കുന്നത് . ചിത്രത്തിലെ ഗാനത്തിന്റെ വരികൾ കൈതപ്രത്തിന്റേതാണ്. 2025ലെ സൂപ്പർഹിറ്റ് ഗാനമായ ‘മിന്നൽവള’യ്ക്ക് ശേഷം ജേക്ക്സ് ബിജോയിയും കൈതപ്രവും ടൊവിനോയും വീണ്ടും ഒന്നിക്കുന്ന ചിത്രം എന്ന പ്രത്യേകതയുമുണ്ട് . സംവിധായകൻ ഡിജോ ജോസ് ആന്റണിയും ജേക്ക്സ് ബിജോയിയും ഒന്നിക്കുന്ന നാലാമത്തെ ചിത്രമാണ് ‘പള്ളിച്ചട്ടമ്പി’. ക്വീൻ, ജന ഗണ മന, മലയാളി ഫ്രം ഇന്ത്യ എന്നീ മൂന്ന് മുൻ ചിത്രങ്ങളിലും ട്രെൻഡിങ്ങായ ചാർട്ട്ബസ്റ്റർ ഗാനങ്ങൾ ഒരുക്കിയ ഈ കൂട്ടുകെട്ട് വീണ്ടും ഒന്നിക്കുന്നത് കാണാൻ പ്രേക്ഷകരും കാത്തിരിക്കുകയാണ്.
Read also- 3 ദിവസം കൊണ്ട് 68 കോടി ആഗോള ഗ്രോസ്; ബോക്സ് ഓഫീസിൽ റെക്കോർഡ് കുതിപ്പുമായി ‘ആട് 3’
ഇതിനോടകം തന്നെ IMDb ലിസ്റ്റിൽ പ്രേക്ഷകർ ആകാംക്ഷയോടെ കാത്തിരിക്കുന്ന ചിത്രങ്ങളിൽ ഒന്നായി ‘പള്ളിച്ചട്ടമ്പി’ ഇടം നേടിയിട്ടുണ്ട്. ഈ അടുത്ത് ഇന്ത്യൻ സിനിമയുടെ അഭിമാനം രാജ മൗലി, ഡിജോ ജോസ് ആന്റണിയുടെ ജനഗണ മന യെ ക്കുറിച്ചു പ്രശംസിച്ചത് ഏറെ ചർച്ച ചെയ്യപ്പെട്ടിരുന്നു . ചിത്രം ഏറെ വൈകാതെ തിയറ്ററുകളിൽ എത്തുമ്പോൾ മലയാളത്തിലെ മറ്റു നിരവധി പ്രമുഖ താരങ്ങളും പള്ളിച്ചട്ടമ്പിയിൽ അണിനിരക്കുന്നുണ്ട്. ഹിറ്റ് തിരക്കഥാകൃത്ത് എസ്. സുരേഷ് ബാബുവാണ് ‘പള്ളിച്ചട്ടമ്പി’യുടെ രചന നിർവഹിച്ചിരിക്കുന്നത്. ടിജോ ടോമിയാണ് ഈ പീരീയിഡ് ചിത്രത്തിന്റെ ഛായാഗ്രഹണം. വേൾഡ് വൈഡ് ഫിലിംസിന്റെ ബാനറിൽ നൗഫൽ, ബ്രിജീഷ് എന്നിവർക്കൊപ്പം സി ക്യൂബ് ബ്രോസ് എന്റർടൈന്മെന്റ് എന്ന ബാനറിൽ ചാണുക്യ ചൈതന്യ ചരൺ എന്നിവർ ചേർന്ന് ഒരുക്കുന്ന ‘പള്ളിച്ചട്ടമ്പി’ ഏപ്രിൽ 10ന് ലോകമെമ്പാടുമുള്ള തിയേറ്ററുകളിൽ അഞ്ച് ഭാഷകളിൽ റിലീസ് ചെയ്യാനാണ് ഒരുങ്ങുന്നത്.
Story highlights : Pallichattambi Official Teaser
