‘കാട്രിന്‍ മൊഴി’യിലെ ജ്യോതികയ്ക്ക് ‘തുമാരി സുലു’വിലെ വിദ്യാബാലന്റെ ആശംസ; വീഡിയോ കാണാം
തമിഴില്‍ തിളങ്ങുന്ന താരം ജ്യോതിക മലയാളികള്‍ക്കും പ്രീയങ്കരിയാണ്. ജ്യോതിക നായികയായി എത്തുന്ന പുതിയ തമിഴ് ചിത്രം ‘കാട്രിന്‍ മൊഴി’ഏറെ പ്രതീക്ഷയോടെയാണ് ആരാധകര്‍ കാത്തിരിക്കുന്നത്. ‘തുമാരി സുലു’ എന്ന ബോളിവുഡ് ചിത്രത്തിന്റെ ത്മിഴ് പതിപ്പാണ് ‘കാട്രിന്‍ മൊഴി’. ഏറെ പ്രേക്ഷക ശ്രദ്ധ നേടിയ ചിത്രമായിരുന്നു ‘തുമാരി സുലു’. വിദ്യാ ബാലനാണ് ‘തുമാരി സുലു’വിലെ കേന്ദ്ര കഥാപാത്രത്തെ ആവതരിപ്പിച്ചത്. എന്നാല്‍ ‘കാട്രിന്‍ മൊഴി’യിലെ ജ്യോതികയ്ക്ക് ‘തുമാരി സുലു’വിലെ വിദ്യാബാലന്‍ നല്‍കുന്ന ആശംസയാണ് സോഷ്യല്‍ മീഡിയയില്‍ തരംഗം.
വീഡിയോ സന്ദേശത്തിലൂടെയാണ് വിദ്യാബാലന്‍ ജ്യോതികയ്ക്ക് ആശംസകള്‍ നേര്‍ന്നത്. ‘കാട്രിന്‍ മൊഴി’ കാണാന്‍ ആകാംഷയോടെ കാത്തിരിക്കുകയാണെന്നും ജ്യോതികയ്ക്കും ചിത്രത്തിന്റെ അണിയറയില്‍ പ്രവര്‍ത്തിക്കുന്ന എല്ലാവര്‍ക്കും ആശംസകള്‍ നേരുന്നുവെന്നും വിദ്യാബാലന്‍ വീഡിയോ സന്ദേശത്തില്‍ പറഞ്ഞു.
ചിത്രത്തിന്റെ റിലീസിങ് തീയതി അണിയറ പ്രവര്‍ത്തകര്‍ നേരത്തെ പ്രഖ്യാപിച്ചിരുന്നു. ചിത്രം ഈ മാസം പതിനാറിന് തീയറ്ററുകളിലെത്തും. നേരത്തെ പുറത്തിറങ്ങിയ ചിത്രത്തിന്റെ ട്രെയിലറിനും ടീസറിനും മികച്ച പ്രതികരണമാണ് ലഭിച്ചത്.
It’s a warm surprise to the entire team of #KaatrinMozhi as the reigning queen @vidya_balan herself lands up wishing the entire team for a huge success. #Jyotika #radhamohan @LakshmiManchu @Dhananjayang @imkaashif @Cinemainmygenes @madhankarky #KaatrinMozhiFromNov16th pic.twitter.com/JRtGJdi9r5
— Johnson PRO (@johnsoncinepro) 14 November 2018
ജ്യോതികയുടെ ഭര്‍ത്താവും തമിഴ് സൂപ്പര്‍സ്റ്റാറുമായ സൂര്യ ടീസര്‍ പങ്കുവെച്ചിരുന്നു. ‘തമാശക്കാരിയായി ജോ തിരിച്ചെത്തുന്നു, എനിക്കുറപ്പുണ്ട്; നിങ്ങള്‍ക്കിത് തീര്‍ച്ചയായും ഇഷ്ടപ്പെടും’ എന്ന കുറിപ്പോടെയാണ് സൂര്യ ടീസര്‍ പങ്കുവെച്ചത്. സൂര്യയുടെ പോസ്റ്റും ആരാധകര്‍ ഏറ്റെടുത്തിരുന്നു.
വിജയലക്ഷ്മി എന്നാണ് ‘കാട്രിന്‍ മൊഴി’യില്‍ ജ്യോതിക അവതരിപ്പിക്കുന്ന കഥാപാത്രത്തിന്റെ പേര്. റേഡിയോ ജോക്കി ആകാന്‍ ആഗ്രഹിച്ചു നടക്കുന്ന ഒരു വീട്ടമ്മയുടെ കഥ ഒരല്പം ഹാസ്യാത്മകമായി പറയുകയാണ് ചിത്രത്തില്‍. രാധാ മോഹനാണ് ചിത്രത്തിന്റെ സംവിധാനം നിര്‍വ്വഹിക്കുന്നത്. 2007 ല്‍ പുറത്തിറങ്ങിയ ‘മൊഴി’ എന്ന ചിത്രത്തിനു ശേഷം രാധാ മോഹന്‍ ജ്യോതിക കൂട്ടുകെട്ടില്‍ പിറവിയെടുക്കുന്ന ചിത്രമാണ് ‘കാട്രിന്‍ മൊഴി’.
വിഥര്‍ത്താണ് ചിത്രത്തില്‍ ജ്യോതികയുടെ ഭര്‍ത്താവായി എത്തുന്നത്. ലക്ഷ്മി മഞ്ജുവും ചിത്രത്തില്‍ പ്രധാന വേഷത്തിലെത്തുന്നുണ്ട്. നായികാ പ്രാധാന്യമുള്ള ഈ ചിത്രത്തിനായി ആകാംഷയോടെ കാത്തിരിക്കുകയാണ് പ്രേക്ഷകര്‍.
