‘എന്താണീ മൗനം’; മനോഹര ഗാനവുമായി ആസിഫും ഐശ്വര്യയും.. വീഡിയോ കാണാം..
ആസിഫ് അലിയും ഐശ്വര്യ ലക്ഷ്മിയും പ്രധാന കഥാപാത്രങ്ങളായി എത്തുന്ന പുതിയ ചിത്രമാണ് ‘വിജയ് സൂപ്പറും പൗർണമിയും’. ജിസ് ജോയ് സംവിധാനം ചെയ്‌യുന്ന വിജയ് സൂപ്പറും പൗർണമിയും എന്ന ചിത്രത്തിലെ പുതിയ ഗാനം പുറത്തിറങ്ങി. ‘എന്താണീ മൗനം’എന്നു തുടങ്ങുന്ന എന്ന പാട്ട് പാടിയിരിക്കുന്നത് കാര്‍ത്തികും ഷാരോണ്‍ ജോസഫും ചേര്‍ന്നാണ്.
ചിത്രത്തിൽ നാടൻ ചെറുപ്പക്കാരനായാണ് ആസിഫ് അലി എത്തുന്നത്. റൊമാന്റിക് ത്രില്ലർ വിഭാഗത്തിൽപ്പെടുന്ന ചിത്രം കുടുംബ പ്രേക്ഷകർക്ക് ഇഷ്ടപ്പെടുന്ന ചിത്രമായിരിക്കുമെന്നും അണിയറ പ്രവർത്തകർ അറിയിച്ചു.
രഞ്ജി പണിക്കർ, സിദ്ദിഖ്, കെ പി എ സി ലളിത, ശാന്തി കൃഷ്ണ, ബാലു വർഗീസ് എന്നിവരും ചിത്രത്തിൽ പ്രധാന വേഷങ്ങളെ അവതരിപ്പിക്കുന്നു. മായനദിക്ക് ശേഷം അമൽ നീരദിന്റെ വരത്തൻ എന്ന ചിത്രത്തിൽ നായികയായി അഭിനയിച്ച ഐശ്വര്യ മലയാളികളുടെ പ്രിയപ്പെട്ട നായികയാണ്. പുതിയ ചിത്രങ്ങളായ ഇബ്‌ലീസ്‌, മന്ദാരം എന്നിവയ്ക്ക് ശേഷം ആസിഫ് നായകനായി എത്തുന്ന പുതിയ ചിത്രമാണ് വിജയ് സൂപ്പറും പൗർണ്ണമിയും.
ജിസ് ജോയ്ക്കൊപ്പമുള്ള ആസിഫ് അലിയുടെ മൂന്നാം ചിത്രം എന്ന പ്രത്യേകതയും വിജയ് സൂപ്പറും പൗർണമിയ്ക്കുമുണ്ട്. ബൈസിക്കിൾ തീവ്സ്, സൺഡേ ഹോളിഡേ തുടങ്ങിയവയാണ് ആദ്യ രണ്ട് ചിത്രങ്ങൾ.
