തലയിൽ വാലുമായി ഒരു അപൂർവ്വ നായക്കുട്ടി; വീഡിയോ
അപൂർവ്വമായ കാഴ്ചകൾക്ക് സാമൂഹ്യ മാധ്യമങ്ങളില്‍ നരവധിയാണ് കാഴ്ചക്കാർ. ഇപ്പോഴിതാ സോഷ്യൽ മീഡിയയിൽ അത്ഭുതമാകുകയാണ് ഒരു നായക്കുട്ടി. തലയിൽ വാലുമായി ജനിച്ച നായക്കുട്ടിയാണ് സോഷ്യൽ മീഡിയയുടെ മുഴുവൻ ശ്രദ്ധ ആകർഷിക്കുന്നത്. നെറ്റിയുടെ നടുവിലായാണ് വാല് പ്രത്യക്ഷപ്പെടുന്നത്.
യു എസിലെ മിസൗറിയിലാണ് ഈ അപൂർവ്വ നായക്കുട്ടിയെ കണ്ടെത്തിയത്. പത്ത് മാസം പ്രായമായ ഈ നായക്കുട്ടിയെ ഉപേക്ഷിച്ച നിലയിൽ കണ്ടെത്തുകയായിരുന്നു. പിന്നീട് മാക്‌സ് മിഷൻ മൃഗസംരക്ഷണവകുപ്പ് ഏറ്റെടുത്ത ഈ നായക്കുട്ടിയുടെ ചിത്രങ്ങൾ അധികൃതരാണ് സമൂഹമാധ്യമങ്ങളിൽ പങ്കുവെച്ചത്. ഇതോടെ നിരവധിയാളുകളാണ് ഈ വിചിത്ര നായക്കുട്ടിയെ കാണാൻ എത്തുന്നത്.
അതേസമയം കാഴ്ചയിൽ നായക്കുട്ടിക്ക് വ്യത്യസ്തതയുണ്ടെങ്കിലും മറ്റുള്ള നായകളെപ്പോലെതന്നെയാണ് ഈ നായക്കുട്ടിയും. നിലവിൽ ഈ വാലുകൊണ്ട് നായയ്ക്ക് പ്രശ്നങ്ങൾ ഒന്നുമില്ല എന്നാൽ കുറച്ചുകൂടി വളർന്ന് കഴിഞ്ഞാൽ ഈ വാലുകൊണ്ട് എന്തെങ്കിലും ബുദ്ധിമുട്ട് ഉണ്ടാകുമോയെന്ന് നിരീക്ഷിക്കുകയാണ് അധികൃതരിപ്പോൾ.
