2020 ! വിലക്കയറ്റത്തിന്റെ വർഷമോ.. സ്വർണ്ണവില 30,000 കടന്നു, പെട്രോളിനും ഡീസലിനും വില വർധിച്ചു
January 6, 2020
2020 ആരംഭം മുതൽ സ്വർണ്ണവിലയും എണ്ണവിലയും ഉള്ളിവിലയുമെല്ലാം കുതിച്ചുയരുകയാണ്. ജനവരി ആറ് ആകുമ്പോഴേക്കും സ്വർണ്ണത്തിന് വില 30,000 കടന്നു. ഇന്ന് മാത്രമായി ഗ്രാമിന് 65 രൂപയും പവന് 520 രൂപയും ഉയർന്നു. ഇതോടെ വില ഗ്രാമിന് 3775 ഉം പവന് 30,200 രൂപയുമായി. അതേസമയം ഈ വർഷം ആരംഭത്തിൽ 29,000 രൂപയാണ് സ്വർണ്ണവില.
പെട്രോൾ വില ജനുവരി ആറ് ആകുമ്പോഴേക്കും 77. 90 പൈസയായി ഉയർന്നിരിക്കുകയാണ്. ഡീസൽ വില 72. 71 പൈസയായും ഉയർന്നുകഴിഞ്ഞു. രാജ്യാന്തര വിപണയിൽ വില കുതിക്കുന്ന സാഹചര്യത്തിൽ വരും ദിവസങ്ങളിലും വില വർധിക്കാനാണ് സാധ്യത.
അതേസമയം പച്ചക്കറി വിലയും കുതിച്ചുയരുകയാണ്. 2020 ആരംഭം മുതലുള്ള അവശ്യവസ്തുക്കളുടെ വിലക്കയറ്റം ജനജീവിതത്തെ മോശമായി ബാധിക്കുമെന്നാണ് വിലയിരുത്തൽ.
