സംസ്ഥാനത്ത് ഇന്ന് 4 പേർക്ക് കൊവിഡ്, 4 പേർ രോഗമുക്തരായി
April 28, 2020
സംസ്ഥാനത്ത് ഇന്ന് നാലു പേർക്ക് കൂടി കൊറോണ വൈറസ് സ്ഥിരീകരിച്ചു. കണ്ണൂരിൽ മൂന്ന് പേർക്കും കാസർകോട് ഒരാൾക്കുമാണ് ഇന്ന് രോഗം സ്ഥിരീകരിച്ചത്. ഇതിൽ രണ്ടുപേർ വിദേശത്ത് നിന്നും എത്തിയവരാണ്. രണ്ടു പേർക്ക് സമ്പർക്കത്തിലൂടെയുമാണ് രോഗം പകർന്നത്. കേരളത്തിൽ ഇതുവരെ 485 പേർക്ക് രോഗം സ്ഥിരീകരിച്ചു. 123 പേരാണ് ഇപ്പോൾ ചികിത്സയിലുള്ളത്.
നാലു പേർ ഇന്ന് രോഗമുക്തരായി. കാസർകോട്, കണ്ണൂർ ജില്ലകളിൽ നിന്നുള്ള രണ്ടു പേർ വീതമാണ് രോഗമുക്തരായത്.
