‘ഇത് നമ്മുടെ ടീച്ചറമ്മയല്ലേ…’ കുട്ടി ടീച്ചറെ ഏറ്റെടുത്ത് സോഷ്യൽ മീഡിയ, വൈറൽ വീഡിയോ

ആരോഗ്യമന്ത്രി കെ കെ ഷൈലജയ്ക്ക് നിരവധിയാണ് ആരാധകർ. കേരളത്തിൽ നിപ്പ വൈറസ് പടർന്ന് പിടിച്ചപ്പോഴും കൊറോണ വൈറസ് വ്യാപനം തുടരുമ്പോഴും മികച്ച ആരോഗ്യ പ്രവർത്തനം കാഴ്ചവെച്ച മന്ത്രിയാണ് കെ കെ ഷൈലജ. കേരളക്കര മുഴുവൻ ടീച്ചറമ്മ എന്നാണ് ഷൈലജ ടീച്ചറെ വിളിക്കുന്നതുപോലും. ഇപ്പോഴിതാ ടിക് ടോക്കിലൂടെ ടീച്ചറെ അനുകരിച്ച് എത്തിയിരിക്കുകയാണ് ഒരു കുഞ്ഞുമിടുക്കി.

ഷൈലജ ടീച്ചറെപ്പോലെ സാരിയുടുത്ത് കണ്ണടയും വച്ചാണ് ഈ കുട്ടി ടീച്ചർ പ്രത്യക്ഷപ്പെടുന്നത്. ടീച്ചർ നിയമസഭയിൽ അവതരിപ്പിച്ച ഒരു ഭാഗത്തിന്റെ ടിക് ടോക്ക് വീഡിയോയുമായാണ് ഈ കൊച്ചുമിടുക്കി എത്തുന്നത്. എന്തായാലും സമൂഹമാധ്യങ്ങളിൽ മികച്ച പിന്തുണയാണ് ഈ കുട്ടിയുടെ വീഡിയോയ്ക്ക് ലഭിക്കുന്നത്. കുട്ടികുരുന്നുകൾക്കും കലാകാരന്മാർക്കുമൊക്കെ തങ്ങളുടെ കഴിവുകൾ പ്രകടിപ്പിക്കാനുള്ള ഇടം കൂടിയാണ് സോഷ്യൽ മീഡിയ. ഇതിനോടകം നിരവധി കലാകാരന്മാരെ സോഷ്യൽ മീഡിയ കണ്ടെത്തിക്കഴിഞ്ഞു.