ക്യൂട്ട്‌നെസ് ഓവര്‍ലോഡഡ്; സമൂഹമാധ്യമങ്ങളുടെ മനം കവര്‍ന്ന് ഒരു കുട്ടിക്കുറുമ്പന്‍ ഷെഫ്: വൈറല്‍ വീഡിയോ
രസകരവും കൗതുകം നിറഞ്ഞതുമായ വീഡിയോകള്‍ പലപ്പോഴും സമൂഹമാധ്യമങ്ങളില്‍ ശ്രദ്ധ നേടാറുണ്ട്. പ്രത്യേകിച്ച് നിഷ്‌കളങ്കത നിറഞ്ഞ കുരുന്നുകളുടെ വീഡിയോകള്‍. കുസൃതിക്കൊഞ്ചലിനും നിറപുഞ്ചിരിക്കുമൊക്കെ കാഴ്ചക്കാരും ഏറെയാണ്. കഴിഞ്ഞ കുറച്ചുദിവസങ്ങളായി ഇന്‍സ്റ്റഗ്രാമില്‍ ശ്രദ്ധ നേടുന്നതും ഒരു കുഞ്ഞാവയാണ്.
പിച്ചവെച്ചു തുടങ്ങിയിട്ടേ ഉള്ളൂ ഈ കുരുന്ന്. എന്നാല്‍ ആള് നല്ലൊരു ഷെഫ് ആണ്. അടുക്കളയില്‍ അമ്മയ്‌ക്കൊപ്പം പല പാചക പരീക്ഷണങ്ങളും നടത്താറുമുണ്ട്. ഈ കുഞ്ഞന്‍ ഷെഫിന്റെ വീഡിയോ സമൂഹമാധ്യമങ്ങളില്‍ നിരവധിപ്പേരാണ് പങ്കുവയ്ക്കുന്നത്.
ഇന്‍സ്റ്റഗ്രാമിലെ കോബി ഈറ്റ്‌സ് എന്ന പേജിലൂടെയാണ് കുഞ്ഞന്‍ ഷെഫിന്റെ പാചകവീഡിയോകള്‍ പുറത്തുവരുന്നത്. ചോക്ലേറ്റ് കേക്ക്, പിസ, സാലഡ് തുടങ്ങിയവയൊക്കെ കോബി പരീക്ഷിക്കുന്നു. അമ്മയ്‌ക്കൊപ്പമാണ് ഈ പരീക്ഷണങ്ങള്‍ ഒക്കെയും. ചിലസമയങ്ങളില്‍ അമ്മയുടെ ഒക്കത്തിരുന്നുകൊണ്ടാണ് കുരുന്നിന്റെ പാചക പരീക്ഷണങ്ങള്‍. എന്തായാലും സമൂഹമാധ്യമങ്ങളില്‍ താരമായിരിക്കുയാണ് ഈ കുഞ്ഞന്‍ ഷെഫ്.
Story Highlight: Baby Chef Kobe prepares mouthwatering dishes
