പുതുമുഖ സംവിധാനത്തില്‍ ‘വാന്‍ഗോഗ്’ ഒരുങ്ങുന്നു
മലയാള സിനിമയില്‍ ഒരു നവാഗത സംവിധായകന്റെ ചിത്രം കൂടി ഒരുങ്ങുന്നു. വാന്‍ഗോഗ് എന്നാണ് സിനിമയുടെ പേര്. പ്രശോഭ് രവിയാണ് ചിത്രത്തിന്റെ സംവിധാനം. എം എ എന്റര്‍ടെന്‍മെന്റ്‌സിന്റെ ബാനറിലാണ് ചിത്രത്തിന്റെ നിര്‍മാണം.
നോവലിസ്റ്റും കഥാകൃത്തുമായ വി എം ദേവദാസാണ് ചിത്രത്തിന്റെ രചന നിര്‍വഹിക്കുന്നത്. ഒരു പൂമ്പാറ്റ ദിവസം എന്നാണ് വാന്‍ഗോഗ് എന്ന ചിത്രത്തിന്റെ ടാഗ് ലൈന്‍. ചിത്രത്തിന്റെ ടൈറ്റില്‍ പോസ്റ്ററും കഴിഞ്ഞ ദിവസം പുറത്തെത്തിയിരുന്നു. കക്ഷി അമ്മിണിണിപ്പിള്ള, മനോഹരം തുടങ്ങിയ സിനിമകള്‍ക്ക് സംഗീതം ഒരുക്കിയ സാമുവല്‍ എബിയാണ് വാന്‍ഗോഗിന്റെ സംഗീത സംവിധാനം നിര്‍വഹിക്കുന്നത്. ജലീല്‍ ബാദുഷയാണ് ഛായാഗ്രാഹകന്‍.
Read more: ലുക്കിലും സ്റ്റൈലിലും ഇളയദളപതി; വീണ്ടും ട്രെഡ് മില്‍ നൃത്തവുമായി അശ്വിന്‍: വീഡിയോ
ചിത്രത്തിന്റെ എഡിറ്റിങ് നിര്‍വഹിക്കുന്നത് അതുല്‍ വിജയ് ആണ്. സുഗേഷ്‌നാരായണന്‍ കലാസംവിധാനം നിര്‍വഹിക്കുന്നു. സെപ്റ്റംബര്‍ അവസാനമായിരിക്കും സിനിമയുടെ ചിത്രീകരണം ആരംഭിയ്ക്കുക.
Story highlights: Vangog Prashob Ravi new film
