തിയേറ്ററുകളിലെത്തി ഒരു വര്‍ഷം പിന്നിടുമ്പോള്‍ ശ്രദ്ധ നേടി ‘പതിനെട്ടാംപടി’യിലെ ഗാനം
‘പതിനെട്ടാംപടി’ എന്ന ചിത്രം തിയേറ്ററുകളിലെത്തിയിട്ട് ഒരു വര്‍ഷം പിന്നിട്ടു. എങ്കിലും സിനിമയുടെ ഓര്‍മ്മകള്‍ ചലച്ചിത്ര ആസ്വാദകരില്‍ നിന്നും മറഞ്ഞിട്ടില്ല. ഇപ്പോഴിതാ ശ്രദ്ധ നേടുകയാണ് ചിത്രത്തിലെ ഒരു ഗാനം. ‘ഹേമന്ത പൗര്‍ണമി രാവില്‍..’ എന്നു തുടങ്ങുന്ന ഗാനം ചിത്രം പുറത്തിറങ്ങി ഒരു വര്‍ഷം പിന്നിടുമ്പോഴാണ് ഗുഡ്വില്‍ എന്റര്‍ടെയ്ന്‍മെന്റ്‌സിന്റെ യുട്യൂബ് ചാനലിലൂടെ പുറത്തെത്തിയിരിക്കുന്നത്.
ഗായകനായ രാകേഷ് ബ്രഹ്‌മാനന്ദന്‍ ആദ്യമായി ഈണം പകര്‍ന്ന ഗാനമാണ് ഇത്. ശ്യാം കൃഷ്ണയുടേതാണ് ഗാനത്തിലെ വരികള്‍. റിമി ടോമി ആലപിച്ചിരിക്കുന്നു.
Read more: ഹെലികോപ്റ്റര്‍ 7; ധോണിക്കായി ബ്രാവോയുടെ പിറന്നാള്‍ പാട്ട്‌സമ്മാനം
ശങ്കര്‍ രാമകൃഷ്ണനാണ് പതിനെട്ടാംപടി എന്ന ചിത്രത്തിന്റെ തിരക്കഥയും സംവിധാനവും നിര്‍വഹിച്ചത്. പുതുമുഖതാരങ്ങളടക്കം നിരവധി ചലച്ചിത്രതാരങ്ങള്‍ അണിനിരന്നിരുന്നു ചിത്രത്തില്‍. മമ്മൂട്ടിയും പൃഥ്വിരാജും അതിഥി വേഷത്തില്‍ ചിത്രത്തിലെത്തിയിരുന്നു. തിയേറ്ററുകളില്‍ മികച്ച പ്രേക്ഷകസ്വീകാര്യതയും ചിത്രം നേടി.
Story highlights: Hemantha Pournami Raavil Video Song 18am Padi