ആര്‍ദ്രമായ പ്രണയത്തിന്റെ ഓര്‍മ്മകളില്‍ “പൂവിന്നിതള്‍ പൊഴിയവേ” ഗാനം
‘പൂന്നിതള്‍ പൊഴിയവേ
ഈറന്‍ കാറ്റില്‍ നനയവേ
തെന്നല്‍ കൂന്തല്‍ തഴുകവേ
നെഞ്ചം നിന്നിലലിയവേ…’ ആര്‍ദ്രമായ ഒരു പാട്ടുകൊണ്ട് നിറയുകയാണ് സംഗീതലോകം. കൂറ എന്ന സിനിമയിലെ ഇതള്‍ എന്ന് പേരിട്ടിരിക്കുന്ന ഗാനത്തിന്റെ ലിറിക്കല്‍ വീഡിയോയാണ് ശ്രദ്ധ നേടുന്നത്.
വൈശാഖ് ജോജന്‍ സംവിധാനം നിര്‍വഹിക്കുന്ന ചിത്രമാണ് കൂറ. സംവിധായകനാണ് ചിത്രത്തിന് തിരക്കഥ ഒരുക്കിയിരിക്കുന്നതും. പ്രണയ ഓര്‍മ്മകളുടെ പശ്ചാത്തലത്തിലുള്ളതാണ് ചിത്രത്തിലെ ഇതള്‍ ഗാനം. വിജയ് യേശുദാസിന്റ ആര്‍ദ്രമായ ആലപാനം ഗാനത്തെ കൂടുതല്‍ സുന്ദരമാക്കുന്നു.
Read more: യോഗ ചെയ്യുന്ന അമ്മയ്ക്കരികില്‍ മകളുടെ കുസൃതി: ചിരിവീഡിയോ സമൂഹമാധ്യമങ്ങളില്‍ വൈറല്‍
നിതിന്‍ പീതാംബരനാണ് പാട്ടിന് ഈണം പകര്‍ന്നിരിക്കുന്നത്. വിഷ്ണുവിന്റേതാണ് ഗാനത്തിലെ വരികള്‍. വിജയ് യേശുദാസിനൊപ്പം ശ്രുതി പീതാംബരനും ചേര്‍ന്നാണ് ഗാനം ആലപിച്ചിരിക്കുന്നത്. ശ്രുതിയുടെ ആലാപനവും പ്രശംസനീയമാണ്.
ജോജന്‍ സിനിമാസിന്റെ ബാനറില്‍ വൈശാഖ് ജോജന്‍ ആണ് ചിത്രത്തിന്റെ നിര്‍മാണവും. കീര്‍ത്തി ആനന്ദ്, വാര്‍ത്തിക് എന്നിവരാണ് ചിത്രത്തില്‍ പ്രധാന കഥാപാത്രങ്ങളായെത്തുന്നത്.
Story highlights: Ithal Lyrical Video Song Film Koora