നായകനായി ഫഹദ്; മഹേഷ് നാരായണന്റെ ‘സി യു സൂൺ’ ഉടൻ

ഫഹദ് ഫാസിലിനെ നായകനാക്കി മഹേഷ് നാരായണൻ ഒരുക്കുന്ന ഏറ്റവും പുതിയ ചിത്രമാണ് സി യു സൂൺ. ചിത്രത്തിൽ ഫഹദിനൊപ്പം റോഷൻ മാത്യുവും ദർശന രാജേന്ദ്രനും എത്തുന്നുവെന്നതാണ് ചിത്രത്തിന്റെ മറ്റൊരു പ്രത്യേകത.

അതേസമയം 90 മിനിറ്റ് മാത്രം ദൈർഘ്യമുള്ള ചിത്രമാണ് സി യു സൂൺ. മൊബൈലിൽ ചിത്രീകരിക്കുന്ന സിനിമയുടെ ഭൂരിഭാഗം ഭാഗങ്ങളും ചിത്രീകരിച്ചുകഴിഞ്ഞു.

അതേസമയം ഫഹദിനെ നായകനാക്കി മഹേഷ് നാരായണൻ ഒരുക്കുന്ന മറ്റൊരു ചിത്രമാണ് മാലിക്. ഇതിന് പുറമെയാണ് സി യു സൂൺ ഒരുക്കുന്നത്. 25 കോടി മുതൽമുടക്കിൽ ഒരുങ്ങുന്ന ചിത്രമാണ് മാലിക്. ചിത്രത്തിന് വേണ്ടിയുള്ള ഫഹദിന്റെ ലുക്കും ചലച്ചിത്ര ലോകത്ത് ഏറെ ചർച്ചകൾക്ക് വഴിതെളിച്ചിരുന്നു.

സിനിമയ്ക്കായി 20 കിലോയോളമാണ് ഫഹദ് കുറച്ചത്. ചിത്രത്തിൽ 57 വയസുകാരന്റെ വേഷത്തിലാണ് ഫഹദ് ഫാസിൽ എത്തുന്നത്. തുറയിലാശാനായാണ് ഫഹദ് ചിത്രത്തിൽ എത്തുന്നത്. സുലൈമാൻ എന്നാണ് കഥാപാത്രത്തിന്റെ പേര്. തുറയുടെ നായകനായാണ് തുറയിലുള്ളവർ ഇയാളെ കാണുന്നത്.

Read also:ഇത് ഡയറക്ടർ ബ്രില്യൻസ്; സൂഫിയും സുജാതയും ചിത്രത്തിലെ കാണാതെപോയ രഹസ്യങ്ങൾ

ബിജു മേനോൻ, ദിലീഷ് പോത്തൻ, വിനയ് ഫോർട്ട്, ആപ്പാനി ശരത്, നിമിഷ സജയൻ എന്നിവരും ചിത്രത്തിൽ മുഖ്യ കഥാപാത്രങ്ങളായി എത്തുന്നുണ്ട്. സുഷിൻ ശ്യാമാണ് ചിത്രത്തിന്റെ സംഗീതം ഒരുക്കുന്നത്.

Story Highlights: see you soon fahad fazil film