മനുഷ്യനോട് വെള്ളം ചോദിച്ച് വാങ്ങി കുടിയ്ക്കുന്ന അണ്ണാൻ; കൗതുകമായി അപൂർവ ദൃശ്യങ്ങൾ
മനുഷ്യനെപോലെത്തന്നെ വിവേകത്തോടെ പെരുമാറുന്ന മൃഗങ്ങളുടെയും പക്ഷികളുടെയുമൊക്കെ ചിത്രങ്ങളും വിഡിയോകളും സമൂഹമാധ്യമങ്ങളിൽ വൈറലാകാറുണ്ട്. അത്തരത്തിൽ ഏറെ കൗതുകം നിറയ്ക്കുന്ന ഒരു അണ്ണാന്റെ ചിത്രങ്ങളും വീഡിയോകളുമാണ് കഴിഞ്ഞ കുറച്ച് ദിവസങ്ങളായി സമൂഹമാധ്യമങ്ങളിൽ ശ്രദ്ധേയമാകുന്നത്.
ദാഹിച്ചുവിഷമിച്ച ഒരു അണ്ണാൻ റോഡിലൂടെ പോകുന്ന ഒരാളോട് വെള്ളം ചോദിച്ച് വാങ്ങി കുടിയ്ക്കുന്നതാണ് വീഡിയോയിൽ ദൃശ്യമാകുന്നത്. വെള്ളക്കുപ്പിയുമായി നടന്നുപോകുന്ന ആളുടെ പിന്നാലെ എത്തിയ അണ്ണാൻ മുൻകാലുകൾ ഉയർത്തി വെള്ളത്തിനായി ആവശ്യപ്പെടുന്നുണ്ട്.
അണ്ണാന്റെ ആവശ്യം വെള്ളമാണെന്ന് തിരിച്ചറിഞ്ഞ മനുഷ്യൻ വെള്ളക്കുപ്പിയുടെ അടപ്പ് മാറ്റി അണ്ണാന് വെള്ളം നൽകുന്നതും വീഡിയോയിൽ കാണാം. പിൻകാലുകളിൽ നിവർന്ന് നിന്ന് മതിവരുവോളം വെള്ളം കുടിച്ച ശേഷമാണ് അണ്ണാൻ തിരികെ പോയത്.
ഐഎഫ്എസ് ഉദ്യോഗസ്ഥനായ സുശാന്ത് നന്ദയാണ് ഈ വീഡിയോ ട്വിറ്ററിൽ പങ്കുവെച്ചത്. അണ്ണാന് വെള്ളം നൽകാൻ കാണിച്ച നല്ല മനസിനും അഭിനന്ദന പ്രവാഹമാണ് സമൂഹമാധ്യമങ്ങളിലൂടെ ലഭിച്ചുകൊണ്ടിരിക്കുന്നത്.
Squirrel asking for water…. pic.twitter.com/JNldkB0aWU
— Susanta Nanda IFS (@susantananda3) July 16, 2020
Story Highlights: thirsty squirrel asking for water
