വീട്ടിലെ പുതിയ അതിഥിയുടെ ആദ്യചിത്രം പങ്കുവെച്ച് കൈലാസ് മേനോൻ

മലയാളികളുടെ ഇഷ്ട സംഗീത സംവിധായകരിൽ ഒരാളാണ് കൈലാസ് മേനോൻ. കഴിഞ്ഞ ആഗസ്റ്റ് 17 നാണ് കൈലാസ് മേനോന് കുഞ്ഞുണ്ടായത്. ഈ വിവരം അദ്ദേഹം സമൂഹമാധ്യമങ്ങളിലൂടെ ആരാധകരുമായി പങ്കുവെച്ചിരുന്നു. ഇപ്പോഴിതാ വീട്ടിലെ പുതിയ അതിഥിയുടെ ആദ്യചിത്രം പങ്കുവെച്ചിരിക്കുകയാണ് കൈലാസ് മേനോൻ. മകനെ നെഞ്ചോട് ചേർത്ത് പിടിച്ചിരിക്കുന്ന കുഞ്ഞിന്റെ ചിത്രമാണ് അദ്ദേഹം പങ്കുവെച്ചിരിക്കുന്നത്. മകന് സമന്യു രുദ്ര എന്നാണ് പേരിട്ടിരിക്കുന്നത്. ഈ കൗതുകകരമായ പേരിന് പിന്നിലെ രഹസ്യവും താരം പങ്കുവെച്ചിട്ടുണ്ട്.

ഒരേ മനസ്സുള്ളവർ എന്നാണ് സമന്യു എന്ന വാക്കിന്റെ അര്‍ഥം. ദുരിതത്തിന്റെയും തിന്മയുടെയും അന്തകൻ എന്നാണ് രുദ്ര എന്ന വാക്കിന്റെ അർഥം, ഭാര്യ അന്നപൂർണ ലേഖ ഒരു തികഞ്ഞ ശിവഭക്തയാണ്, ഈ രണ്ട് പേരുകളും ശിവന്റെ പേരാണ് അതുകൊണ്ടാണ് ഈ പേര് കുഞ്ഞിന് നൽകിയിരിക്കുന്നത് എന്നും കൈലാസ് മേനോൻ കുറിച്ചു.

2015–ൽ ആണ് കൈലാസ് മേനോനും അവതാരകയും അഭിഭാഷകയായ അന്നപൂർണ ലേഖയും വിവാഹിതരായത്. സമൂഹമാധ്യമങ്ങളിൽ സജീവ സാന്നിധ്യമാണ് ഇരുവരും. അന്നപൂർണയുടെ മറ്റേണിറ്റി ഫോട്ടോഷൂട്ട് ചിത്രങ്ങളും കൈലാസ് മേനോൻ സോഷ്യൽ മീഡിയയിൽ പങ്കുവെച്ചിരുന്നു.

Story Highlights: kailas menon shares his son picture