‘പള്ളിവാള് ഭദ്രവട്ടകം’ മലയാളം പാട്ടിനൊപ്പം വർക്ക് ഔട്ട് ചെയ്ത് ജഡേജ, വൈറൽ വീഡിയോ
സിനിമ താരങ്ങളെപോലെത്തന്നെ സമൂഹ മാധ്യമങ്ങളിൽ ഉൾപ്പെടെ നിരവധി ആരാധകരുള്ളവരാണ് ക്രിക്കറ്റ് താരങ്ങളും. ഇപ്പോഴിതാ മലയാളം പാട്ട് ആസ്വദിച്ച് വർക്ക് ഔട്ട് ചെയ്യുന്ന ഇന്ത്യൻ ക്രിക്കറ്റ് താരം രവീന്ദ്ര ജഡേജയുടെ വീഡിയോയാണ് സോഷ്യൽ മീഡിയയിൽ വൈറലാകുന്നത്. മലയാളികളുടെ ഇഷ്‌ടഗാനം ‘പള്ളിവാള് ഭദ്രവട്ടകം കൈയ്യിലേന്തും തമ്പുരാട്ടി’ എന്ന പാട്ടിനൊപ്പമാണ് രവീന്ദ്ര ജഡേജ വർക്ക് ഔട്ട് ചെയ്യുന്നത്.
ഇന്ത്യൻ പ്രിമിയർ ലീഗിൽ പങ്കെടുക്കുന്നതിനായി യുഎഇയിൽ എത്തിയിരിക്കുകയാണ് താരം. ഇതിനിടെ ദുബായിലെ താജ് ഹോട്ടൽ മുറിയിൽ വർക്ക് ഔട്ട് ചെയ്യുന്നതിന്റെ വീഡിയോയാണ് അദ്ദേഹം പങ്കുവെച്ചിരിക്കുന്നത്. ചെന്നൈ സൂപ്പർ കിങ്സിന്റെ താരമായാണ് ജഡേജ ഇന്ത്യൻ പ്രിമിയർ ലീഗിൽ മാറ്റുരയ്ക്കുന്നത്. ഐപിഎല്ലിൽ പങ്കെടുക്കാൻ എത്തിയ താരങ്ങളിൽ മിക്കവരുടെയും ചിത്രങ്ങളും വീഡിയോകളും ഇതിനോടകം സമൂഹമാധ്യമങ്ങളിൽ പങ്കുവെച്ചിട്ടുണ്ട്. റോയൽ ചലഞ്ചേഴ്സ് ബാംഗ്ലൂർ ടീം ക്യാപ്റ്റൻ വിരാട് കോലി യുഎഇയിൽ എത്തിയ ഉടൻ തന്നെ ദുബായ് പശ്ചാത്തലത്തിൽ നിൽക്കുന്ന ചിത്രം ട്വിറ്ററിൽ പങ്കുവെച്ചിരുന്നു.
Read also: നിറപുഞ്ചിരിയുമായി മിയ ചേര്‍ത്തുനിര്‍ത്തി അശ്വിനും: മനസമ്മത വീഡിയോ ശ്രദ്ധേയമാകുന്നു
മത്സരങ്ങൾക്ക് മുന്നോട്ടോയായി എത്തിയ താരങ്ങൾ മിക്കവരും ക്വാറന്റീനിലാണ്. അതിനൊപ്പം ഹോട്ടലുകളിൽ താമസിക്കുന്നവർക്ക് വ്യായാമത്തിനും പരീശീലനത്തിനുമുള്ള സൗകര്യങ്ങളും ഒരുക്കിയിട്ടുണ്ട്. സെപ്റ്റംബർ 19 മുതൽ നവംബർ 10 വരെയാണ് ഐപിഎൽ നടക്കുന്നത്. അബുദാബി, ദുബായ്, ഷാർജ സ്റ്റേഡിയങ്ങളിലാണ് മത്സരങ്ങൾ അരങ്ങേറുന്നത്. 53 ദിവസങ്ങൾക്കൊണ്ട് ആകെ 60 മത്സരങ്ങളാണ് ഉള്ളത്.
Story Highlights:ravindra jadeja works out video with malayalam song
