‘പൊങ്കലി’ന് മാസ്റ്ററിനൊപ്പം ‘കോബ്ര’യും തിയേറ്ററുകളിലേക്ക്
അജയ് ജ്ഞാനമുത്തുവിന്റെ സംവിധാനത്തിൽ ചിയാൻ വിക്രം നായകനാകുന്ന ചിത്രമാണ് കോബ്ര. സിനിമയുടെ ചിത്രീകരണം പൂർത്തിയായിയിരിക്കുകയാണ്. അടുത്തിടെ ചിത്രത്തിന്റെ സെക്കൻഡ് ലുക്ക് പോസ്റ്റർ നിർമ്മാതാക്കൾ പുറത്തിറക്കിയിരുന്നു. ഇപ്പോഴിതാ, പൊങ്കൽ റിലീസായി ചിത്രം തിയേറ്ററുകളിലേക്ക് ഏതാണ് തയ്യാറെടുക്കുകയാണ്.
കോബ്രയുടെ ടീസർ പുറത്തുവിടാനുള്ള തയ്യാറെടുപ്പിലാണ് അണിയറപ്രവർത്തകർ. പുതുവത്സരത്തിനോട് അനുബന്ധിച്ചോ പൊങ്കലിനോ ചിത്രം റിലീസ് ചെയ്യുമെന്നാണ് റിപ്പോർട്ടുകൾ സൂചിപ്പിക്കുന്നത്. അതേസമയം, വിജയ് നായകനാകുന്ന മാസ്റ്റർ ജനുവരി 31ന് തിയേറ്ററിലേക്ക് എത്തുകയാണ്. ചിത്രത്തിന്റെ സഹനിർമാതാവ് കൂടിയാണ് ‘ കോബ്ര’യുടെ നിർമാതാവ് ലളിത് കുമാർ. അതുകൊണ്ടുതന്നെ ഇരു ചിത്രങ്ങളും ജനുവരിയിൽ റിലീസ് ചെയ്യാനാണ് സാധ്യത.
വിജയ്യും, വിക്രവും സ്ക്രീനിലും ജീവിതത്തിലും നല്ല സുഹൃത്തുക്കളാണ്. അതുകൊണ്ടുതന്നെ ഇരു ചിത്രങ്ങളും ഒന്നിച്ച് റിലീസ് ചെയ്യുന്ന ആവേശത്തിലാണ് ആരാധകർ. അജയ് ജ്ഞാനമുത്തുവാണ് കോബ്രയുടെ സംവിധാനം നിര്‍വഹിക്കുന്നത്. ‘ഇമൈക്ക നൊടികള്‍’, ‘ഡിമോണ്ടെ കോളനി’ തുടങ്ങിയ ചിത്രങ്ങളിലൂടെ ശ്രദ്ധേയനായ സംവിധായകനാണ് അജയ് ജ്ഞാനമുത്തു.
Read More: സംസ്ഥാനത്ത് ഇന്ന് കൊവിഡ് സ്ഥിരീകരിച്ചത് 5887 പേർക്ക്; 5029 പേർ രോഗമുക്തരായി
ക്രിക്കറ്റ് താരം ഇര്‍ഫാന്‍ പഠാന്‍ ചിത്രത്തില്‍ വില്ലന്‍ കഥാപാത്രമായെത്തുന്നുണ്ട്. ബിഗ് ബജറ്റിലൊരുങ്ങുന്ന ചിത്രമാണ് ‘കോബ്ര’. സംഗീത മാന്ത്രികന്‍ എ ആര്‍ റഹ്മാനാണ് ചിത്രത്തിന്റെ സംഗീത സംവിധായകന്‍. ആക്ഷന്‍ ത്രില്ലര്‍ ചിത്രമാണ് ‘കോബ്ര’.
Story highlights- Vikram to come together with Vijay on big screens for Pongal
