ഐശ്വര്യ ലക്ഷ്മി നായികയാകുന്ന ആദ്യ തെലുങ്ക് ചിത്രം- ‘ഗോഡ്സെ’യ്ക്ക് തുടക്കമായി
ഐശ്വര്യ ലക്ഷ്മി നായികയാകുന്ന തെലുങ്ക് ചിത്രം ‘ഗോഡ്സെ’യ്ക്ക് തുടക്കമായി. നടൻ സത്യദേവ് നായകനാകുന്ന ചിത്രത്തിന്റെ ലൊക്കേഷനിൽ നിന്നുള്ള ചിത്രങ്ങൾ ഐശ്വര്യ പങ്കുവെച്ചു. ഐശ്വര്യ ലക്ഷ്മിക്ക് ഹൃദ്യമായ സ്വാഗതമാണ് നടൻ സത്യദേവ് ചിത്രത്തിന്റെ പോസ്റ്റർ പങ്കുവെച്ചുകൊണ്ട് നൽകിയത്. സി കെ കല്യാൺ, സി കെ എന്റർടൈൻമെന്റ്സിന്റെ ബാനറിൽ നിർമിക്കുന്ന ചിത്രം സംവിധാനം ചെയ്യുന്നത് ഗോപി ഗണേഷ് പട്ടാഭിയാണ്.
മോഡലായി കരിയർ ആരംഭിച്ച ഐശ്വര്യ ലക്ഷ്മി 2017ൽ റിലീസ് ചെയ്ത ‘ഞണ്ടുകളുടെ നാട്ടിൽ ഒരിടവേള’ എന്ന ചിത്രത്തിലൂടെയാണ് അഭിനയ രംഗത്തേക്ക് എത്തിയത്. ആഷിഖ് അബു സംവിധാനം ചെയ്ത മായാനദിയാണ് ഐശ്വര്യ ലക്ഷ്മിയെ ജനപ്രിയയാക്കിയത്. വരത്തൻ എന്ന ചിത്രത്തിലും ശക്തമായ അഭിനയ മുഹൂർത്തങ്ങൾ കാഴ്ചവെച്ച ഐശ്വര്യ ലക്ഷ്മി മലയാളത്തിൽ ഏറ്റവും ഒടുവിൽ അഭിനയിച്ചത് ‘ബ്രദർസ് ഡേ’ എന്ന ചിത്രത്തിലാണ്.
Read More: നാഗാർജുനയ്ക്കൊപ്പം വേഷമിടാൻ അനിഘ സുരേന്ദ്രൻ
അതേസമയം, ഐശ്വര്യ ലക്ഷ്മി ഇപ്പോൾ ‘അർച്ചന 31 നോട്ട് ഔട്ട് ’ എന്ന സിനിമയുടെ ചിത്രീകരണത്തിലാണ്. മണിരത്നത്തിന്റെ ‘പൊന്നിയൻ സെൽവൻ’, കാർത്തിക് സുബ്ബരാജിന്റെ ‘ജഗമെ തന്തിരം’, മനു അശോകന്റെ ‘കാണെക്കാണെ’, നിർമ്മൽ സഹദേവിന്റെ ‘കുമാരി’ എന്നിവയാണ് ഐശ്വര്യ ലക്ഷ്മി നായികയായി അണിയറയിൽ ഒരുങ്ങുന്നത്.
Story highlights- aiswarya lakshmi’s next with sathyadev
