‘പത്തൊമ്പതാം നൂറ്റാണ്ടി’ൽ നങ്ങേലിയായി കയാഡു ലോഹർ

February 17, 2021

വിനയൻ സംവിധാനം ചെയ്യുന്ന ചരിത്ര സിനിമയായ പത്തൊമ്പതാം നൂറ്റാണ്ടിൽ നങ്ങേലിയായി പൂനെ ടൈംസ് ഫ്രഷ് ഫെയ്സ് 2019 വിജയിയായ നടി കയാഡു ലോഹർ. ചിത്രത്തിന്റെ പുതിയ പോസ്റ്ററിലൂടെയാണ് നായികയെ വെളിപ്പെടുത്തിയത്. ചിത്രത്തിൽ ആറാട്ടുപുഴ വേലായുധ പണിക്കറായി സിജു വിൽസനാണ് വേഷമിടുന്നത്. സിജുവിനൊപ്പം സിനിമയിൽ പ്രവർത്തിക്കാൻ തീവ്രമായ പരിശീലനത്തിലാണ് താരം.

തിരുവിതാംകൂറിന്റെ ഇതിഹാസകഥ പറയാനാണ് ‘പത്തൊമ്പതാം നൂറ്റാണ്ട്’ എത്തുന്നത്. അനൂപ് മേനോൻ, ചെമ്പൻ വിനോദ്,സുധീർ കരമന, സുരേഷ് ക്യഷ്ണ, ഇന്ദ്രൻസ്,രാഘവൻ, അലൻസിയർ,ശ്രീജിത് രവി,അശ്വിൻ,ജോണി ആന്റണി, ജാഫർ ഇടുക്കി,സെന്തിൽക്യഷ്ണ, മണിക്കുട്ടൻ,.വിഷ്ണു വിനയ്, സ്പടികം ജോർജ്,സുനിൽ സുഗത,ചേർത്തല ജയൻ,കൃഷ്ണ,ബിജു പപ്പൻ, ബൈജു എഴുപുന്ന, ഗോകുലൻ, വികെ ബൈജു, ആദിനാട് ശശി, മനുരാജ്, രാജ് ജോസ്, പൂജപ്പുര, രാധാക്യഷ്ണൻ, സലിം ബാവ,ജയകുമാർ, നസീർ സംക്രാന്തി, കൂട്ടിക്കൽ ജയച്ചന്ദ്രൻ,പത്മകുമാർ, മുൻഷി രഞ്ജിത്, ഹരീഷ് പെൻഗൻ, ഉണ്ണി നായർ, ബിട്ടു തോമസ്,മധു പുന്നപ്ര, മീന, കയാദു, രേണു സുന്ദർ,ദുർഗ കൃഷ്ണ, സുരഭി സന്തോഷ്,ശരണ്യ ആനന്ദ് തുടങ്ങി ഒട്ടനവധി താരങ്ങളാണ് ചിത്രത്തിൽ അണിനിരക്കുന്നത്. ഇവർക്ക് പുറമെ പതിനഞ്ചോളം വിദേശ താരങ്ങളും ചിത്രത്തിലുണ്ട്.

Read More: ‘ഡെയർഡെവിൾ ഭാസ്കരനായി അച്ഛൻ’- സുകുമാരന്റെ ഓർമ്മചിത്രം പങ്കുവെച്ച് പൃഥ്വിരാജ്

ഫെബ്രുവരിയിൽ ചിത്രത്തിന്റെ ഷൂട്ടിംഗ് ആരംഭിച്ചു. അതേസമയം, എം ജയചന്ദ്രനും റഫീഖ് അഹമ്മദും ചേർന്നൊരുക്കിയ നാലോളം ഗാനങ്ങളുടെ റെക്കോർഡിംഗും പൂർത്തിയായി. അജയൻ ചാലിശ്ശേരി കലാസംവിധാനം നിർവഹിക്കുമ്പോൾ ഷാജികുമാറാണ് ക്യാമറ. വിവേക് ഹർഷൻ എഡിറ്റിങ്. പട്ടണം റഷീദ് ചമയവും ധന്യാ ബാലക്യഷ്ണൻ വസ്ത്രാലങ്കാരവും നിർവഹിക്കുന്നു.

Story highlights- Kayadu Lohar plays Nangeli in ‘Pathonpathaam Noottandu’