‘ഒറ്റവാക്കിൽ ഇച്ചാക്കയെ നിർവ്വചിക്കാമോ?’- ലൈവ് ചാറ്റിൽ മറുപടിയുമായി മോഹൻലാൽ
മോഹൻലാൽ നായകനായ ദൃശ്യം 2 റിലീസിന് ഒരുങ്ങുകയാണ്. ആമസോൺ പ്രൈം വഴിയാണ് ചിത്രം പ്രേക്ഷകരിലേക്ക് എത്തുന്നത്. റിലീസിന്റെ ഭാഗമായി അഭിമുഖങ്ങളും പ്രൊമോഷൻ പരിപാടികളും ഡിജിറ്റലായി പങ്കെടുക്കുന്ന തിരക്കിലാണ് മോഹൻലാൽ. ഇപ്പോഴിതാ, ട്വിറ്ററിൽ ലൈവ് ചാറ്റിലും താരമെത്തി. ആരാധകർക്ക് അറിയേണ്ട ചോദ്യങ്ങൾക്ക് മറുപടി നൽകുകയാണ് താരം.
— Mohanlal (@Mohanlal) February 15, 2021
ഒറ്റവാക്കിൽ ഇച്ചാക്കയെ നിർവ്വചിക്കാമോ?, ബറോസ് എന്ന് തുടങ്ങും, എമ്പുരാൻ എന്ന് തുടങ്ങും മുതലായ ചോദ്യങ്ങൾക്കാണ് മോഹൻലാൽ മറുപടി നൽകുന്നത്. ഇച്ചക്കയെ കുറിച്ച് ചോദിച്ചപ്പോൾ കിടു എന്നാണ് മോഹൻലാൽ പ്രതികരിച്ചത്. ബറോസ് മാർച്ചിൽ ആരംഭിക്കുമെന്നും പങ്കുവെച്ചു. ദൃശ്യം 2 ഞെട്ടിക്കുമോ എന്ന ചോദ്യത്തിന് കാണൂ എന്നാണ് മോഹൻലാലിൻറെ മറുപടി.
Kidu… https://t.co/NfCvOD9xxe
— Mohanlal (@Mohanlal) February 15, 2021
ജഗതിയെ കുറിച്ചും മോഹൻലാൽ പ്രതികരിച്ചു. ദി കംപ്ലീറ്റ് ആക്ടർ എന്നാണ് മോഹൻലാൽ ജഗതിയെ കുറിച്ച് പറഞ്ഞത്. എമ്പുരാൻ ഈ വർഷം സാധ്യമായേക്കും എന്നാണ് പ്രതികരിച്ചത്. പൃഥ്വിരാജിനെ ബ്രില്ലിയന്റ് എന്നും മോഹൻലാൽ വിശേഷിപ്പിച്ചു. അതോടൊപ്പം, ദൃശ്യം 2 തിയേറ്ററിൽ റിലീസ് ചെയ്യാൻ സാധ്യത ഉണ്ടെന്ന സൂചനയും മോഹൻലാൽ നൽകി.
ഒടിടി പ്ലാറ്റ്ഫോമായ ആമസോണ്‍ പ്രൈമിലൂടെ ദൃശ്യം 2 ഫെബ്രുവരി 19 മുതൽ പ്രേക്ഷകരിലേക്ക് എത്താൻ ഒരുങ്ങുകയാണ്. മോഹന്‍ലാലിനൊപ്പം മീന, ആശാ ശരത്, അന്‍സിബ, എസ്തേര്‍, സിദ്ദിഖ്, മുരളി ഗോപി, സായ്കുമാര്‍ തുടങ്ങിയവരും പ്രധാന കഥാപാത്രങ്ങളായെത്തുന്നുണ്ട്. ചിത്രത്തിന്റെ ട്രെയിലറിന് വലിയ വരവേൽപ്പാണ് ആരാധകർ നൽകിയത്.
Read More: ഫസ്റ്റ് ലുക്ക് പോസ്റ്ററിൽ വിലങ്ങണിഞ്ഞ് ധനുഷ്- ‘കർണൻ’ ഏപ്രിൽ ഒൻപതിന് തിയേറ്ററുകളിലേക്ക്
ജീത്തു ജോസഫ് സംവിധാനം ചെയ്ത് മോഹന്‍ലാല്‍ നായകനായെത്തിയ ദൃശ്യം 2013-ലാണ് പ്രദര്‍ശനത്തിനെത്തിയത്. ചിത്രത്തിന് രണ്ടാം ഭാഗം ഉണ്ടാകുന്നു എന്ന പ്രഖ്യാപനവും പ്രേക്ഷകര്‍ ഇരു കൈയും നീട്ടി സ്വീകരിച്ചു. അതേസമയം, കൊവിഡ് പ്രതിസന്ധിയിൽ നിയന്ത്രണങ്ങൾ പാലിച്ച് ദൃശ്യം 2 അടുത്തിടെയാണ് പൂർത്തിയാക്കിയത്. ആദ്യഭാഗത്തിലെ താരങ്ങൾ തന്നെയാണ് രണ്ടാം ഭാഗത്തിലും വേഷമിടുന്നത്. 56 ദിവസങ്ങളായിരുന്നു ചിത്രീകരണത്തിനായി നിശ്ചയിച്ചതെങ്കിലും 46 ദിവസംകൊണ്ട് ദൃശ്യം 2 പൂർത്തിയാക്കാൻ സാധിച്ചു. ഒരു കുടുംബ ചിത്രമായാണ് ആദ്യ ഭാഗത്ത് നിന്നും വ്യത്യസ്തമായി ദൃശ്യം 2 ഒരുങ്ങുന്നത്. അതുകൊണ്ടുതന്നെ തികച്ചും കുടുംബാന്തരീക്ഷത്തിലാണ് ചിത്രീകരണം നടന്നത്.
Story highlights- mohanlal live chat
