വെറും ദോശയല്ല ഇത് നല്ല ചൂട് പറക്കും ദോശ: വൈറല്‍ വീഡിയോയ്ക്ക് കാഴ്ചക്കാര്‍ ഏറെ
സമൂഹമാധ്യമങ്ങള്‍ ജനപ്രിയമായിട്ട് കാലങ്ങള്‍ ഏറെയായി. രസകരവും കൗതുകം നിറയ്ക്കുന്നതുമായ നിരവധി കാഴ്ചകള്‍ ഓരോ ദിവസവും സമൂഹമാധ്യമങ്ങളില്‍ പ്രത്യക്ഷപ്പെടാറുമുണ്ട്. ഇത്തരം വീഡിയോകള്‍ക്ക് കാഴ്ചക്കാരും ഏറെയാണ്. സോഷ്യല്‍മീഡിയയിലെ രുചിയിടങ്ങളില്‍ നിറയുകയാണ് ഒരു വീഡിയോ.
ഒരു പറക്കും ദോശയാണ് ഈ വീഡിയോയില്‍. കേള്‍ക്കുമ്പോള്‍ രസകരമായി തോന്നുമെങ്കിലും ഈ വീഡിയോ അതിശയിപ്പിക്കുന്നു. മുംബൈയിലെ മംഗള്‍ദാസ് മാര്‍ക്കറ്റിലെ ഒരു ദോശക്കടക്കാരന്റെ മികവാണ് വീഡിയോയിലെ പ്രധാന ആകര്‍ഷണം. ദശലക്ഷക്കണക്കിന് ആളുകള്‍ ഈ വീഡിയോ ഇതിനോടകം കണ്ടുകഴിഞ്ഞു.
Read more: ‘ഇരട്ടകളാണ് സാറേ ഇവിടുത്തെ മെയിന്‍’; ഇതാണ് ഇരട്ടകളുടെ നാട്
ചൂട് ദോശയില്‍ മസാലയും മറ്റ് വെജിറ്റബിള്‍സുമൊക്കെയിട്ട് മടക്കിയ ശേഷം അത് പ്ലേറ്റിലേയ്ക്ക് വീഴുത്തുന്നതിലാണ് കൗതുകം. അല്‍പം അകെലെയായി ഒരാള്‍ പ്ലേറ്റുമായി നില്‍പ്പുണ്ട്. ആ പ്ലേറ്റിലേയ്ക്ക് ദോശ എറിഞ്ഞിടുന്നു. അതും ഒന്നു നോക്കുക പോലും ചെയ്യാതെ. വളരെ ഉയരത്തില്‍ പൊങ്ങിയ ശേഷം ദോശ കൃത്യമായി പ്ലേറ്റിലേയ്ക്ക് തന്നെ വന്നു വീഴുന്നതും വീഡിയോയില്‍ കാണാം. എന്തായാലും വൈറലായിരിക്കുകയാണ് ഈ പറക്കും ദോശയുടെ വീഡിയോ.
Story highlights: Mumbai Man’s ‘Flying Dosa’
