ഇരു കൈകളിൽ ഭദ്രം ഈ പാലം; സഞ്ചാരികൾ തേടിയെത്തുന്ന അത്ഭുത പാലം
ദൈവ കരങ്ങളിലെ പാലത്തെ കുറിച്ച് കേട്ടിട്ടുണ്ടോ? കേൾക്കുമ്പോൾ കഥയാണോ യാഥാർത്ഥ്യമാണോ എന്ന കാര്യത്തിൽ സംശയം തോന്നാം. പറഞ്ഞു വരുന്നത് വിയറ്റ്നാമിൽ കോ വാങ് എന്ന പാലത്തെ കുറിച്ചാണ്. ഒറ്റ നോട്ടത്തിൽ നോക്കിയാൽ ഇരുകൈകളാൽ ഈ പാലത്തെ താങ്ങി നിർത്തിയതാണെന്നെ തോന്നുകയുള്ളു. അങ്ങനെയാണ് ഇവിടെ എത്തുന്ന സഞ്ചാരികൾ ഇതിനെ ദൈവ കാര്യങ്ങളിലെ പാലം എന്ന് വിശേഷിപ്പിക്കാൻ തുടങ്ങിയത്. സഞ്ചാരികളുടെ പ്രിയപ്പെട്ട സ്ഥലമാണ് കാടിന് നടുക്കുള്ള ഈ കോ വാങ് പാലം. ഈ സ്ഥലം കാണാൻ നിരവധി സഞ്ചാരികളാണ് ദിവസവും ഇങ്ങോട്ടേക്ക് എത്തുന്നത്.
സഞ്ചാരികൾക്ക് അത്രയും പ്രിയപ്പെട്ട ഇടങ്ങളിൽ ഒന്നായി സ്ഥാനം പിടിച്ചിട്ടുണ്ട് ഈ പാലം. ഫ്രഞ്ചുകാർ 1919 ൽ ടനാങ് എന്ന സ്ഥലത്ത് പണികഴിപ്പിച്ചത് ഹിൽസ്റ്റേഷന് സമീപത്തായാണ് 150 മീറ്റർ നീളത്തിൽ ഈ പാലം പണികഴിപ്പിച്ചത്. അന്നുമുതൽ തന്നെ ഇങ്ങോട്ടേക്ക് സഞ്ചാരികൾ എത്താറുണ്ട്. വിനോദ സഞ്ചാരികളെ ആകർഷിക്കാനും വിനോദ സഞ്ചാര മേഖലയ്ക്ക് ഉണർവേകാനും കൂടി ആകർഷകമായ നിരവധി സൗകര്യങ്ങളും കൗതുക കാഴ്ചകളും ഇവിടെ ഒരുക്കിയിട്ടുണ്ട്.
Read More: മലയാള സിനിമയ്ക്കൊരു കിടിലൻ ടെക്നോ ഹൊറർ ത്രില്ലർ; കുടുംബ പ്രേക്ഷകരുടെ മനസ്സ് കീഴടക്കി ചതുർമുഖം
നിരവധി പദ്ധതികളാണ് സഞ്ചാരികളെ ആകർഷിക്കാൻ വിയറ്റ്നാം ഗവൺമെന്റ് എല്ലാ വർഷവും നടപ്പിലാക്കുന്നത്. ഈ അത്ഭുത പാലം തേടി വിവിധ സ്ഥലങ്ങളിൽ നിന്ന് ആളുകളെ ഇങ്ങോട്ടേക്ക് എത്താറുണ്ട്. ഇതിന് സമീപത്തായി പണി കഴിപ്പിച്ച കോട്ടയും മെഴുക് മ്യുസിയവും വളരെ പ്രശസ്തമാണ്. സഞ്ചാരികൾക്കായി കേബിൾ കാർ സൗകര്യവും ഇവിടെ ഒരുക്കിയിട്ടുണ്ട്.
Story highlights- cau vang bridge vietnam
