അനു സിതാരയെ തേടിയെത്തിയ മണിയറയിലെ അശോകൻ- രസകരമായ വിഡിയോ
മലയാളികളുടെ മനംകവർന്ന നായികയാണ് അനു സിതാര. ശാലീനതയുടെ പര്യായമായ അനു സിതാര മണിയറയിലെ അശോകൻ എന്ന ചിത്രത്തിലെ ഒരു ഗാനരംഗത്തിൽ ഉണ്ണിമായ എന്ന കഥാപാത്രമായി എത്തിയിരുന്നു. ‘മൊഞ്ചത്തിപെണ്ണേ ഉണ്ണിമായേ..’ എന്ന ആ ഗാനം മലയാളികൾ ഒന്നടങ്കം ഏറ്റുപാടുകയും ചെയ്തു. സിനിമയുടെ റിലീസിന് ശേഷം ടോപ് സിംഗർ വേദിയിൽ അതിഥിയായി എത്തിയ അനു സിതാരയെ ഈ പാട്ടിലൂടെയാണ് സ്വാഗതം ചെയ്തത്.
അനു സിതാരയ്ക്കായി രസകരമായൊരു സ്കിറ്റും പാട്ടുവേദിയിൽ ഒരുക്കിയിരുന്നു. ടോപ് സിംഗർ വേദിയിലെ കുഞ്ഞു മിടുക്കൻ ശ്രീദേവ് ആണ് രസകരമായൊരു സ്‌കിറ്റുമായി എത്തിയത്. സ്കിറ്റിന് ശേഷം ശ്രീദേവിനൊപ്പം അനു സിതാര മനോഹരമായൊരു നൃത്തവും കാഴ്ചവെച്ചു. നൃത്തവേദിയിൽ നിന്നും സിനിമയിലേക്ക് എത്തിയ അനു സിതാര ടോപ് സിംഗർ ഷോയുടെ സ്ഥിരം പ്രേക്ഷകയാണ് എന്നും വേദിയിൽ പങ്കുവെച്ചിരുന്നു.
Read More: അനിയനെ കൊഞ്ചിച്ച് പാറുക്കുട്ടി- ശ്രദ്ധേയമായി വിഡിയോ
മലയാളികൾക്ക് മറക്കാനാകാത്ത നിമിഷങ്ങൾ സമ്മാനിക്കുന്ന വേദിയാണ് ഫ്‌ളവേഴ്‌സ് ചാനലിൽ സംപ്രേഷണം ചെയ്യുന്ന ടോപ് സിംഗർ. കുട്ടികളുടെ എല്ലാ മേഖലയിലുമുള്ള കഴിവുകൾ പ്രകടിപ്പിക്കാൻ ടോപ് സിംഗറിൽ സ്റ്റാർ നൈറ്റ് എന്ന ഇവന്റുമുണ്ട്. പാട്ടും നൃത്തവും അഭിനയവുമെല്ലാമായി കുട്ടി കലാപ്രതിഭകൾ സജീവമാകുന്ന പരിപാടിയാണ് സ്റ്റാർ നൈറ്റ്.
Story highlights- anusithara top singer event
