ഓര്‍മകളേ കൈവള ചാര്‍ത്തി…: എം ജി ശ്രീകുമാറിന്റെ സ്വരമാധുരിയില്‍ ഗംഭീരമായൊരു ഗാനവിരുന്ന്
ഓര്‍മകളേ…
ഓര്‍മകളേ കൈവളചാര്‍ത്തി
വരൂ വിമൂകമീ വേദി
ഏതോ ശോകാന്ത രാഗം
ഏതോ ഗന്ധര്‍വന്‍ പാടുന്നുവോ… മലയാള സംഗീതാസ്വാദകരുടെ ഹൃദയതാളങ്ങള്‍ പോലും കീഴടക്കിയതാണ് ഈ പാട്ട്. ഫ്‌ളവേഴ്‌സ് ടോപ് സിംഗര്‍-2 വേദിയില്‍ ഈ ഗാനം എം ജി ശ്രീകുമാര്‍ ആലപിച്ചപ്പോഴും പത്തരമാറ്റിന്റെ ഭംഗിയുണ്ട്. അത്രമേല്‍ സുന്ദരമാണ് അദ്ദേഹത്തിന്റെ ആലാപനം.
1979-ല്‍ പ്രേക്ഷകരിലേക്കെത്തിയ പ്രതീക്ഷ എന്ന ചിത്രത്തിലേതാണ് ഈ ഗാനം. ചന്ദ്രഹാസന്‍ ആണ് ചിത്രത്തിന്റെ സംവിധാനം നിര്‍വഹിച്ചത്. ഒ എന്‍ വി കുറുപ്പിന്റേതാണ് ഗാനത്തിലെ വരികള്‍. സലീല്‍ ചൗധരി സംഗീതം പകര്‍ന്നിരിക്കുന്നു. കെ ജെ യേശുദാസ് ആണ് സിനിമയില്‍ ഈ ഗാനം ആലപിച്ചിരിക്കുന്നത്.
അതേസമയം ലോകമലയാളികള്‍ക്ക് പാട്ടുവിസ്മയങ്ങള്‍ സമ്മാനിക്കുന്ന പരിപാടിയാണ് ഫ്‌ളവേഴ്‌സ് ടോപ് സിംഗര്‍- 2. ആദ്യ സീസണിന് ശേഷം മികച്ച പ്രേക്ഷക സ്വീകാര്യത നേടി ടോപ് സിംഗര്‍ 2-ഉം. അതിഗംഭീരമായ ആലാപന മാധുര്യം കൊണ്ട് ഓരോ ദിവസവും അതിശയിപ്പിക്കുകയാണ് കുരുന്ന് ഗായകപ്രതിഭകള്‍.
Story highlights: MG Sreekumar singing Ormakale song in Flowers Top Singer
