‘പെര്‍ഫെക്ഷനാണ് ഇവന്റെ മെയിന്‍’; വൃത്തിയായി പാത്രം കഴുകുന്ന കുരങ്ങന്‍: വൈറല്‍ക്കാഴ്ച
സമൂഹമാധ്യമങ്ങള്‍ ഏറെ ജനപ്രിയമാണ് ഇക്കാലത്ത്. രസകരവും കൗതുകം നിറയ്ക്കുന്നതുമായ നിരഴവധി കാഴ്ചകള്‍ സമൂഹമാധ്യമങ്ങളിലൂടെ നമുക്ക് മുന്‍പില്‍ പ്രത്യക്ഷപ്പെടാറുണ്ട്. അതും ലോകത്തിന്റെ പലയിടങ്ങളില്‍ നിന്നുമുള്ള ദൃശ്യങ്ങള്‍. വളരെ വേഗത്തില്‍ മികച്ച പ്രേക്ഷക സ്വീകാര്യത നേടുന്ന ഇത്തരം ദൃശ്യങ്ങളെ വൈറല്‍ക്കാഴ്ചകള്‍ എന്ന് നാം വിശേഷിപ്പിക്കുന്നു.
സമൂഹമാധ്യമങ്ങളില്‍ ശ്രദ്ധ നേടുകയാണ് ഒരു വൈറല്‍ക്കാഴ്ച. ഒരു കുരങ്ങനാണ് ഈ വിഡിയോയിലെ താരം. വൃത്തിയോടെ പാത്രം കഴുകുന്ന കുരങ്ങന്റെ വിഡിയോ ഇതിനോടകംതന്നെ നിരവധിപ്പേര്‍ കണ്ടുകഴിഞ്ഞു. ഈ ദൃശ്യങ്ങള്‍ എവിടെ നിന്നും പകര്‍ത്തിയതാണെന്ന് വ്യക്തമല്ലെങ്കിലും ചെറിയൊരു ഹോട്ടലിലാണ് കുരങ്ങന്‍ പാത്രം കഴുകുന്നത് എന്ന് വിഡിയോയില്‍ നിന്നും വ്യക്തമാണ്.
Read more: പനച്ചേല്‍ ജോമോനെ ഗംഭീരമാക്കി; ബാബുരാജ് ഇനി വിശാലിന്റെ ചിത്രത്തിലും
ഒരു മേശപ്പുറത്തിരുന്നാണ് കുരങ്ങന്‍ പാത്രം കഴുകുന്നത്. കഴുകയ ശേഷം പാത്രം വൃത്തിയായോ എന്നറിയാന്‍ കുരങ്ങന്‍ മണത്തുനോക്കുന്നുണ്ട്. വൃത്തിയാകുന്നത് വരെ പാത്രം തേച്ച് മിനുക്കി കഴുകുന്നതും വിഡിയോയില്‍ കാണാം. എന്തായാലും സൈബര്‍ ഇടങ്ങളില്‍ വൈറലായിരിക്കുകയാണ് ഈ കുരങ്ങന്‍.
Story highlights: Monkey washing plates video goes viral in Social Media
