ആര്യയും പാ രഞ്ജിതും ഒന്നിക്കുന്നു; റിലീസിനൊരുങ്ങി ചിത്രം
ഒരുപിടി സൂപ്പർഹിറ്റ് ചിത്രങ്ങൾ ഒരുക്കിയ പാ രഞ്ജിത്തിന്റെ പുതിയ ചിത്രം അണിയറയിൽ ഒരുങ്ങുന്നു. ‘സര്‍പ്പാട്ട പരമ്പരൈ’ എന്ന് പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടതുമുതൽ ചിത്രത്തിനായി പ്രേക്ഷകർ കാത്തിരിക്കുകയാണ്. ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നത് ആര്യയാണ്. ബോക്സറുടെ വേഷത്തിൽ ആര്യ പ്രത്യക്ഷപ്പെടുന്ന ചിത്രം ഒടിടി റിലീസായി ജൂലൈ 22 മുതൽ പ്രേക്ഷകരിലേക്കെത്തും. തമിഴിന് പുറമെ തെലുങ്കിലും ചിത്രം റിലീസ് ചെയ്യും.
1970-80 കാലഘട്ടത്തിൽ നോര്‍ത്ത് മദ്രാസിൽ അറിയപ്പെട്ടിരുന്ന സര്‍പ്പാട്ട പരമ്പരൈ എന്ന പാരമ്പര്യ ബോക്‌സിങ് താരങ്ങളുടെ ജീവിതം പറയുന്നതാണ് ചിത്രം എന്നാണ് സൂചന. അതേസമയം ആദ്യമായി ആര്യയും പാ രഞ്ജിത്തും ഒന്നിക്കുന്ന ചിത്രം എന്ന പ്രത്യേകതയും ‘സര്‍പ്പാട്ട പരമ്പരൈ’യ്ക്കുണ്ട്. കെ-9 സ്റ്റുഡിയോസിന്റെ ബാനറിലാണ് ചിത്രം ഒരുങ്ങുന്നത്.
2012-ൽ പുറത്തിറങ്ങിയ കോമഡി ചലച്ചിത്രമായ ‘ആട്ടക്കത്തി’ ആയിരുന്നു പാ രഞ്ജിത് സംവിധാനം ചെയ്ത ആദ്യത്തെ ചലച്ചിത്രം. പിന്നീട് മദ്രാസ്, കബാലി, കാലാ തുടങ്ങിയ സിനിമകളിലൂടെ സൂപ്പർ ഹിറ്റ് സംവിധായകനായി പേരെടുത്ത പാ രഞ്ജിത്ത് ഹിന്ദിയിലും ഇപ്പോൾ സജീവമാകുകയാണ്.
BREAKING: Arya’s boxing drama #Sarpatta Parambarai premiering directly on Amazon Prime – July 22nd in Tamil and Telugu. pic.twitter.com/cMBDTVJhdk
— LetsOTT GLOBAL (@LetsOTT) July 8, 2021
Read also:രോഗബാധിതയായ കുഞ്ഞുലൈലയുടെ കിടയ്ക്കക്കരികെ വിവാഹിതരായി മാതാപിതാക്കൾ
സംവിധായകനായും നിർമാതാവായും അറിയപ്പെടുന്ന പാ രഞ്ജിത്, പരിയേറും പെരുമാൾ, ഇരണ്ടാം ഉലകപോരിൻ കടൈസി ഗുണ്ടു എന്നീ സിനിമകളും നിർമിച്ചിട്ടുണ്ട്.
Story Highlights: pa ranjiths sarpatta parambarai
