പീലി വിടര്‍ത്തി മനോഹരമായി നൃത്തം ചെയ്യുന്ന വെള്ളമയില്‍; അപൂര്‍വ്വകാഴ്ച
സമൂഹമാധ്യമങ്ങളിലൂടെ രസകരവും കൗതുകം നിറഞ്ഞതുമായ നിരവധി കാഴ്ചകള്‍ നമുക്ക് മുന്‍പില്‍ പ്രത്യക്ഷപ്പെടാറുണ്ട്. അതും ലോകത്തിന്റെ പലയിടങ്ങളില്‍ നിന്നുമുള്ള കാഴ്ചകള്‍. ഇത്തരം ദൃശ്യങ്ങള്‍ക്ക് കാഴ്ചക്കാരും ഏറെയാണ്. വളരെ വേഗത്തിലാണ് ഇവ സൈബര്‍ ഇടങ്ങളില്‍ വൈറലാകുന്നതും. കാഴ്ചക്കാരില്‍ രസം നിറയ്ക്കുന്ന ഒരു മയില്‍ കാഴ്ചയാണ് കഴിഞ്ഞ കുറച്ച് ദിവസങ്ങളായി സോഷ്യല്‍മീഡിയയില്‍ ശ്രദ്ധ ആകര്‍ഷിക്കുന്നത്.
പീലി വിടര്‍ത്തി നൃത്തം ചെയ്യുന്ന മയിലുകള്‍ പലപ്പോഴും കാഴ്ചക്കാരില്‍ വലിയ കൗതുകം നിറയ്ക്കാറുണ്ട്. വര്‍ണനകള്‍ക്ക് അതീതവുമാണ് മയിലുകളുടെ ഭംഗിയും. ശ്രദ്ധ ആകര്‍ഷിക്കുന്നതും മനോഹരമായ ഒരു മയില്‍ നടനമാണ്. എന്നാല്‍ മയില്‍ എന്ന് കേള്‍ക്കുമ്പോള്‍ നമ്മുടെ മനസ്സില്‍ തെളിയുന്ന രൂപങ്ങളില്‍ നിന്നെല്ലാം ഏറെ വ്യത്യസ്തമാണ് ഈ മയില്‍ക്കാഴച. തൂവെള്ള നിറത്തിലുള്ള പീലികള്‍ വിടര്‍ത്തി നൃത്തം ചെയ്യുന്ന മയിലിന്റെ ദൃശ്യങ്ങളാണ് സോഷ്യല്‍മീഡിയയില്‍ കാഴ്ചക്കാരുടെ ശ്രദ്ധ കവരുന്നത്.
Read more: തിരക്കേറിയ നഗരത്തിൽ മാസ്‌ക് ധരിക്കാത്ത ആളുകളെ ശകാരിച്ച് കൊച്ചുമിടുക്കൻ- വിഡിയോ
ഇത്തരം ദൃശ്യങ്ങള്‍ മുന്‍പും പലപ്പോഴും സമൂഹമാധ്യമങ്ങളില്‍ ഇടം നേടിയിട്ടുണ്ട്. വെള്ള മയിലുകള്‍തന്നെ അപൂര്‍വ്വമായ കാഴ്ചയാണ്. ജനിതക ഘടനയിലെ ഉള്‍പരിവര്‍ത്തനമാണ് ചില മയിലുകളുടെയും വെള്ള നിറത്തിന് കാരണം. പലപ്പോഴും ഇണയെ ആകര്‍ഷിക്കാനാണ് മയിലുകള്‍ പീലി നിവര്‍ത്തി നൃത്തം ചെയ്യുന്നത്.
White peacock showing off.. pic.twitter.com/dMwys9lqm9
— Buitengebieden (@buitengebieden_) July 2, 2021
Story highlights: White peacock dancing video
