‘കേശു ഈ വീടിന്റെ നാഥൻ’ സിനിമയിൽ ഗാനമാലപിച്ച് ദിലീപ്
നാദിർഷ സംവിധാനം ചെയ്യുന്ന ‘കേശു ഈ വീടിന്റെ നാഥൻ’ എന്ന സിനിമയാണ് ദിലീപ് നായകനായി റിലീസിന് ഒരുങ്ങുന്ന പുതിയ ചിത്രം. ചിത്രത്തിൽ ഒരു വയോധികന്റെ വേഷത്തിലാണ് നടൻ എത്തുന്നത്. കേശുവായി ദിലീപ് എത്തുമ്പോൾ നായികയായി എത്തുന്നത് ഉർവശിയാണ്. ചിത്രത്തിലൂടെ പിന്നണി ഗാനരംഗത്തേക്കും കടന്നിരിക്കുകയാണ് ദിലീപ്.
ദിലീപ് ആലപിച്ച ഗാനം ബുധനാഴ്‌ച വൈകിട്ട് ഫേസ്ബുക്ക് പേജിലൂടെ അണിയറപ്രവർത്തകർ പുറത്തുവിടും. അതേസമയം, ചിത്രത്തിലെ കുടവയറും കഷണ്ടിയുമൊക്കെയായി ശരിക്കും അറുപതിന് മേൽ പ്രായം തോന്നും ദിലീപിനെ കണ്ടാൽ. മുൻപ് തന്നെ ഈ ലുക്കിനായി മൊട്ടയടിച്ച രീതിയിൽ ദിലീപ് മാധ്യമങ്ങൾക്ക് മുന്നിൽ പ്രത്യക്ഷപ്പെട്ടിരുന്നു.
Read More: പൽവാൽ ദേവന്റെ ഡയലോഗിൽ പൊട്ടിച്ചിരിച്ച് കട്ടപ്പയും ബാഹുബലിയും- ചിരിപടർത്തിയ കാഴ്ച
സജീവ് പാഴൂർ ആണ് ചിത്രത്തിനു തിരക്കഥ ഒരുക്കിയിരിക്കുന്നത്. ഉർവശിയാണ് ദിലീപിന്റെ നായികയായി ‘കേശു ഈ വീടിന്റെ നാഥനി’ൽ എത്തുന്നത്. കേശുവായി ദിലീപ് എത്തുമ്പോൾ സഹോദരി വേഷത്തിൽ പൊന്നമ്മ ബാബു ഉണ്ട്. ‘മൈ സാന്റാ’ ആണ് ദിലീപിന്റേതായി ഏറ്റവും ഒടുവിൽ റിലീസ് ചെയ്തത്. പ്രൊഫസർ ഡിങ്കനും തിയേറ്ററുകളിലേക്ക് എത്താനുണ്ട്.
