ഹൂല ഹൂപ്പിങ്ങിനൊപ്പം നാടോടി നൃത്തവും: അതിശയിപ്പിച്ച് പെണ്‍കുട്ടി: വൈറല്‍ വിഡിയോ
ചില കുട്ടികള്‍ നമ്മെ അതിശയിപ്പിക്കാറുണ്ട്. അതും പ്രായത്തെ വെല്ലുന്ന പ്രകടനങ്ങള്‍ക്കൊണ്ട്. മനോഹരമായ ഒരു നൃത്ത പ്രകടനത്തിലൂടെ അതിശയിപ്പിക്കുന്ന കൊച്ചുമിടുക്കിയുടെ വിഡിയോയും സമൂഹമാധ്യമങ്ങളില്‍ ശ്രദ്ധ നേടുന്നു. ഹൂല ഹൂപ്പിങ്ങും നാടോടി നൃത്തവും ഒരുമിച്ച് ചെയ്യുന്ന മിടുക്കിയുടേതാണ് ഈ വിഡിയോ.
അഹാന ബിജു എന്നാണ് ഈ മിടുക്കിയുടെ പേര്. റിങ് ശരീരത്തില്‍ ബാലന്‍സ് ചെയ്യുനനതിനൊപ്പമാണ് മിടുക്കി നൃത്തവും ചെയ്യുന്നത്. സാധാരണ വെസ്റ്റോണ്‍ സംഗീതത്തിനാണ് ഹൂല ഹൂപ്പിങ് പലരും ചെയ്യുന്നത്. എന്നാല്‍ അതില്‍ നിന്നെല്ലാം വ്യത്യസ്തമായാണ് അഹാന നാടോടി നൃത്തത്തിന്റെ ഗാനത്തിന് ഹൂല ഹൂപ്പിങ് ചെയ്യുന്നത്.
Read more: പ്രായം വെറും പന്ത്രണ്ട്; ഓസ്‌ട്രേലിയൻ ഷോയിൽ വിസ്മയമായി മാറി കോഴിക്കോടുകാരി ഗായിക ജാനകി ഈശ്വർ
പതിനൊന്ന് വയസ്സാണ് അഹാനയുടെ പ്രായം. ഈ പ്രായത്തെ പോലും വെല്ലുന്ന പ്രകടനമാണ് കുട്ടിത്താരം കാഴ്ചവയ്ക്കുന്നത്. വയനാട് എച്ചോം സര്‍വ്വേദയ സ്‌കൂളിലെ ആറാം ക്ലാസ് വിദ്യാര്‍ത്ഥിനിയാണ് ഈ മിടുക്കി. സമൂഹമാധ്യമങ്ങളില്‍ ഇതിനോടകംതന്നെ താരമായ മിടുക്കിയാണ് അഹാന. കുട്ടിത്താരത്തിന്റെ പ്രകടനത്തെ പ്രശംസിക്കുന്നവരും നിരവധിയാണ്.
Story highlights: Little girl Hula Hoop while dancing performance
