മാമാങ്കത്തിന് ശേഷം മമ്മൂട്ടിയെ നായകനാക്കി പുതിയ ചിത്രമൊരുക്കാൻ വേണു കുന്നപ്പിള്ളി
മമ്മൂട്ടിയെ നായകനാക്കി വേണു കുന്നപ്പിള്ളി നിർമിച്ച ചിത്രമായിരുന്നു മാമാങ്കം. ചരിത്ര കഥ പങ്കുവെച്ച ചിത്രത്തിന് ശേഷം ബിഗ് ബജറ്റ് ചിത്രം ഒരുക്കാനുള്ള തയ്യാറെടുപ്പിലാണ് വേണു കുന്നപ്പിള്ളി. പുതിയ ചിത്രത്തിലും മമ്മൂട്ടി തന്നെയാണ് നായകനാകുന്നത്. സിനിമയിൽ അൻപതാണ്ട് പൂർത്തിയാക്കിയ മമ്മൂട്ടിയെ ആദരിക്കാൻ ബി ജെ പി സംസ്ഥാന പ്രസിഡന്റ് എത്തിയപ്പോൾ വേണു കുന്നപ്പിള്ളിയും സിനിമാ ചർച്ചയ്ക്കായി എത്തിയിരുന്നു എന്നുപറഞ്ഞുകൊണ്ട് നിർമാതാവ് ആന്റോ ജോസഫ് ആണ് ചിത്രം പങ്കുവെച്ചത്.
‘അഭിനയജീവിതത്തിലെ അരനൂറ്റാണ്ട് പൂർത്തീകരിച്ച മമ്മൂക്കയെ അനുമോദിക്കാൻ ബി.ജെ.പി സംസ്ഥാന അധ്യക്ഷൻ കെ. സുരേന്ദ്രൻ എത്തിയപ്പോൾ മലയാളത്തിലെ ഏറ്റവും മുതൽ മുടക്കുള്ള മമ്മൂട്ടി ചിത്രത്തിന്റെ നിർമാതാവ് വേണു കുന്നപ്പിള്ളിയും (കാവ്യാ ഫിലിംസ്) ചേർന്നെടുത്തൊരു ഫോട്ടോ. മമ്മൂക്കയോടൊപ്പമുള്ള അടുത്ത ബിഗ് ബഡ്ജറ്റ് ചിത്രത്തിന്റെ പ്രാരംഭ ചർച്ചകൾക്ക് എത്തിയതായിരുന്നു വേണു കുന്നപ്പിള്ളി’- ആന്റോ ജോസഫിന്റെ വാക്കുകൾ.
Read More: കേന്ദ്ര കഥാപാത്രമായി ഇന്ദ്രന്‍സ്; മധു ബാലകൃഷ്ണന്റെ സ്വരമാധുരിയില്‍ ഹോമിലെ ഗാനം
മലയാള സിനിമയിലെ ഒരു ഗംഭീര ദൃശ്യ വിസ്മയമായിരുന്നു ‘മാമാങ്കം’. ചാവേർപടയുടെ കഥ പറഞ്ഞ ചിത്രം എം പദ്മകുമാറിന്റെ സംവിധാനത്തിൽ കാവ്യാ ഫിലിംസിന്റെ ബാനറിൽ വേണു കുന്നപ്പിള്ളിയാണ് ചിത്രം നിർമിച്ചിരിക്കുന്നത്. മലയാളം, തമിഴ്, തെലുങ്ക്, ഹിന്ദി ഭാഷകളിലാണ് ചിത്രം തയ്യാറായത്. നാല് ഭാഷകൾക്ക് പുറമെ ഇനി ചൈനീസിലേക്കും ‘മാമാങ്കം’ ചേക്കേറുകയാണ്.
Story highlights- venu kunnappilli to produce another movie with mammootty
