പ്രണയം നിറച്ചൊരു സുന്ദര ഗാനം; ‘എനിമി’യിലെ കല്യാണ ഗാനം ശ്രദ്ധനേടുന്നു
മലയാളികൾക്കിടയിൽ ഏറെ ആരാധകരെ സൃഷ്‌ടിച്ച തമിഴ് താരങ്ങളാണ് ആര്യയും വിശാലും. ഉറ്റ സുഹൃത്തുക്കളായ ഇരുവരും ഒന്നിച്ചഭിനയിക്കുന്ന ചിത്രമാണ് എനിമി. സിനിമയുടെ പ്രഖ്യാപനം മുതൽക്കെത്തന്നെ ശ്രദ്ധനേടിയ ചിത്രമാണ് എനിമി. ഇപ്പോഴിതാ, സിനിമയിലെ ഒരു ഗാനം പ്രേക്ഷകരിലേക്ക് എത്തിയിരിക്കുകയാണ്. പ്രണയവും കല്യാണ മേളവും നിറച്ചെത്തുന്ന ഗാനം ഇതിനോടകം പ്രേക്ഷകർ ഏറ്റെടുത്തുകഴിഞ്ഞു.
ആര്യയും വിശാലുമാണ് ചിത്രത്തില്‍ പ്രധാന കഥാപാത്രങ്ങളായെത്തുന്നത്. ആക്ഷൻ ത്രില്ലറായി ഒരുക്കിയിരിക്കുന്ന ചിത്രത്തിൽ മംമ്ത മോഹൻദാസ് ആണ് നായികയായി എത്തുന്നത്. പ്രകാശ് രാജും ചിത്രത്തില്‍ ഒരു സുപ്രധാന കഥാപാത്രത്തെ അവതരിപ്പിക്കുന്നു. ആനന്ദ് ശങ്കറാണ് ചിത്രത്തിന്റെ സംവിധാനം നിര്‍വഹിക്കുന്നത്. ആക്ഷന്‍ പശ്ചാത്തലത്തില്‍ ഒരുങ്ങുന്ന ചിത്രം കൂടിയാണ് എനിമി. തമനാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. രവി വര്‍മ്മയാണ് ചിത്രത്തിലെ ആക്ഷന്‍ രംഗങ്ങളുടെ കൊറിയോഗ്രാഫി നിര്‍വഹിച്ചിരിക്കുന്നത്.
Read More: ഏറ്റവും വലിയ ഓൺലൈൻ കരോൾ ആലാപന മത്സരം സംഘടിപ്പിച്ച് കുറ്റൂക്കാരൻ ഗ്രൂപ്പ്
വിശാലിന്റെയും ആര്യയുടെയും ‘എനിമി’ ഏറെക്കാലമായി കാത്തിരുന്ന ചിത്രങ്ങളിലൊന്നാണ്. ഉറ്റ സുഹൃത്തുക്കൾ ഒന്നിച്ച് എത്തുമ്പോൾ പ്രേക്ഷകർക്കും പ്രതീക്ഷ ഏറെയായിരുന്നു. ആക്ഷൻ ഡ്രാമയായ ചിത്രം ഈ ദീപാവലി റിലീസ് ആയാണ് എത്തിയത്.
Story highlights- enemy movie song
