ടൈം ലൂപ്പിലൂടെ ചിമ്പു; ശ്രദ്ധനേടി മനാട് ട്രെയ്‌ലർ
ചിമ്പുവിന്റെ നായികയായി കല്യാണി പ്രിയദർശൻ വേഷമിടുന്ന ചിത്രമാണ് മനാട്. വെങ്കട്ട് പ്രഭു സംവിധാനം ചെയ്യുന്ന ചിത്രത്തിന്റെ ട്രെയ്‌ലർ എത്തി. മലയാളത്തിൽ ചിത്രം റീവൈൻഡ് എന്ന പേരിലാണ് റിലീസിനൊരുങ്ങുന്നത്. യുവൻ ശങ്കർ രാജയാണ് സംഗീതം. ഒരു പൊളിറ്റിക്കൽ ത്രില്ലറും ഒപ്പം തന്നെ ടൈം ലൂപ്പ് ഇതിവൃത്തത്തിലും ഒരുക്കിയിരിക്കുന്ന ചിത്രമാണിത്.
എസ് ജെ സൂര്യയും ചിത്രത്തിൽ പ്രധാന വേഷത്തിൽ ഉണ്ട്. എസ് എ ചന്ദ്രശേഖര്‍, പ്രേംജി അമരൻ, രവികാന്ത് തുടങ്ങി ഒട്ടേറെ താരങ്ങള്‍ ചിത്രത്തിലുണ്ട്. വെങ്കട് പ്രഭു തന്നെയാണ് ചിത്രത്തിന്റെ തിരക്കഥയും എഴുതുന്നത്. പ്രവീണ്‍ കെ എല്‍ ആണ് ചിത്രത്തിന്റെ എഡിറ്റർ. ആദ്യമായാണ് ചിമ്പുവും വെങ്കട്ട് പ്രഭുവും സിനിമയ്ക്കായി ഒന്നിക്കുന്നത്.
Read More: ആഘോഷമായൊരു കല്യാണ മേളം; ശ്രദ്ധനേടി ‘അണ്ണാത്തെ’യിലെ ഗാനം
അതേസമയം, ചിമ്പു നായകനായ ഈശ്വരൻ എന്ന ചിത്രമാണ് തിയേറ്ററിൽ ഏറ്റവും ഒടുവിൽ റിലീസ് ചെയ്തത്. സമ്മിശ്ര പ്രതികരണങ്ങളാണ് ചിത്രത്തിന് ലഭിച്ചത്. ‘ഈശ്വരനി’ൽ ചിമ്പുവിന്റെ നായികയായി എത്തിയത് നിധി അഗർവാളാണ്. ഈശ്വരൻ’ എന്ന ചിത്രത്തിനായി ചിമ്പു നടത്തിയ മേക്കോവർ ആരാധകർക്കിടയിൽ വലിയ ചർച്ചയായിരുന്നു. ചിത്രത്തിനായി മുപ്പതുകിലോയോളം ഭാരമാണ് താരം കുറച്ചത്.
Story highlights- manadu trailer
