‘ഹൃദയം’ കണ്ട് കണ്ണുനിറഞ്ഞ് സുചിത്ര മോഹൻലാൽ- വിഡിയോ

മലയാള സിനിമാലോകത്തിന് ആവേശം പകർന്നാണ് ഹൃദയം സിനിമ പ്രേക്ഷകരിലേക്ക് എത്തിയത്. വിനീത് ശ്രീനിവാസന്റെ സംവിധാനത്തിൽ പ്രണവ് മോഹൻലാൽ നായകനായ ചിത്രം മികച്ച പ്രതികരണം നേടുകയാണ്. രണ്ടരവർഷത്തോളമുള്ള കാത്തിരിപ്പിന്റെ ഫലമായാണ് ചിത്രം പ്രേക്ഷകരിലേക്ക് എത്തിയത്. പ്രണവ് മോഹൻലാലിൻറെ കരിയറിൽ വഴിത്തിരിവായ ചിത്രം കണ്ട ‘അമ്മ സുചിത്രയുടെ പ്രതികരണമാണ് ഇപ്പോൾ ശ്രദ്ധനേടുന്നത്.

ചിത്രം കണ്ട് കണ്ണുനിറഞ്ഞാണ് സുചിത്ര തിയേറ്ററിന് പുറത്തേക്ക് ഇറങ്ങിയത്. സിനിമ ഒരുപാട് ഇഷ്ടമായെന്നും അവർ പ്രതികരിച്ചു. പ്രണവിനെ കണ്ടപ്പോൾ പഴയ മോഹൻലാലിനെ ഓർമ്മ വന്നോ എന്ന ചോദ്യത്തിനും അങ്ങനെ തോന്നി എന്നാണ് സുചിത്ര പ്രതികരിച്ചത്.

പ്രണവും കല്യാണിയും നായികാനായകന്മാരായി വേഷമിടുന്ന ചിത്രമാണ് ഹൃദയം. വിനീത് ശ്രീനിവാസൻ സംവിധാനം ചെയ്യുന്ന ചിത്രം മെറിലാൻഡ് സിനിമാസിന്റെയും ബിഗ് ബാംഗ് എന്റർടൈൻമെൻറ്സിന്റെയും ബാനറിൽ ആണ് ഒരുങ്ങുന്നത്. 15 ഗാനങ്ങളുണ്ടെന്ന പ്രത്യേകതയും ഹൃദയത്തിനുണ്ട്.ദർശന രാജേന്ദ്രനും ചിത്രത്തിൽ പ്രധാന വേഷത്തിൽ എത്തുന്നു.

Read Also: ജോൺ ലൂഥറായി ജയസൂര്യ; പുതിയ ചിത്രത്തിന്റെ വിശേഷങ്ങളുമായി താരം

വിനീത് ശ്രീനിവാസൻ സംവിധാനം ചെയ്യുന്ന അഞ്ചാമത്തെ ചിത്രമാണ് ഹൃദയം. വിശാഖ് സുബ്രഹ്മണ്യൻ നിർമിക്കുന്ന ചിത്രത്തിന്റെ ഛായാഗ്രഹണം വിശ്വജിത്ത് ഒടുക്കത്തിൽ ആണ്. തിരക്കഥ ഒരുക്കിയിരിക്കുന്നതും വിനീത് ശ്രീനിവാസൻ തന്നെയാണ്. പ്രണവിന്റെ മൂന്നാമത്തെ ചിത്രവും കല്യാണിയുടെ രണ്ടാമത്തെ മലയാള ചിത്രവുമാണ് ഹൃദയത്തിലൂടെ വെള്ളിത്തിരയിൽ ഒരുങ്ങുന്നത്. 

Story highlights- Suchithra Mohanlal Response after watching Hridayam