യഥാർത്ഥ വിരാട് കോലിയെ കണ്ടെത്താൻ സാധിക്കുമോ? സോഷ്യൽ മീഡിയയിൽ തരംഗമായൊരു ചിത്രം
സോഷ്യൽ മീഡിയയിൽ ഏറ്റവും സജീവമായ ക്രിക്കറ്റ് താരങ്ങളിൽ ഒരാളാണ് വിരാട് കോലി. തന്റെ സോഷ്യൽ മീഡിയ ഹാൻഡിലുകളിലൂടെ അദ്ദേഹം രസകരമായ വിശേഷങ്ങൾ പങ്കുവയ്ക്കാറുണ്ട്. ഇപ്പോഴിതാ, തന്റെ അപരന്മാർക്കൊപ്പമുള്ള ഒരു ചിത്രം പങ്കുവെച്ചിരിക്കുകയാണ് വിരാട് കോലി.
ഒരേപോലെ ചാരനിറത്തിലുള്ള സ്യൂട്ടും വെള്ള സ്‌നീക്കറുകളും ധരിച്ച പത്ത് പുരുഷന്മാരാണ് വിരാട് കോലി പങ്കുവെച്ച ചിത്രത്തിൽ ഉള്ളത്. അവർ സമാനമായ ഹെയർസ്റ്റൈലുകളിലുമാണ് ഉള്ളത്. ഈ ചിത്രം പങ്കുവെച്ചുകൊണ്ട് കൂട്ടത്തിൽ ചേരാത്തത് കണ്ടെത്താൻ പറയുകയാണ് വിരാട് കോലി.
Find the odd one out. pic.twitter.com/cJCpNGmQfP
— Virat Kohli (@imVkohli) February 20, 2022
ചിത്രത്തിന് താഴെ ട്വിറ്റർ ഉപയോക്താക്കൾ രസകരമായ മീമുകളുമായി നിറഞ്ഞു. ചിലർ വിരാട് കോലിയുടെ മറ്റുചില അപരന്മാരുടെ ചിത്രങ്ങളാണ് പോസ്‌റ്റ് ചെയ്‌തത്. അതേസമയം, ഏതാനും ദിവസങ്ങൾക്ക് മുൻപാണ് ഇന്ത്യൻ ക്രിക്കറ്റിലെ എക്കാലത്തെയും മികച്ച നായകന്മാരിലൊരാളായ വിരാട് കോലി ദേശീയ ടെസ്റ്റ് ടീമിന്റെ ക്യാപ്റ്റൻ സ്ഥാനം ഒഴിയുന്നതായി പ്രഖ്യാപിച്ചത്.
ട്വിറ്റർ, ഇൻസ്റ്റാഗ്രാം ഹാൻഡിലുകളിലൂടെയാണ് കോലി അപ്രതീക്ഷിതമായി ആരാധകരെ വിരമിക്കാനുള്ള തന്റെ തീരുമാനം അറിയിച്ചത്. സൗത്ത് ആഫ്രിക്കയുമായി നടന്ന ടെസ്റ്റ് സീരീസ് ഇന്ത്യ 2-1 ന് പരാജയപ്പെട്ടതിന് ശേഷമാണ് കോലി ക്യാപ്റ്റൻ സ്ഥാനം ഒഴിയുന്നതായി പ്രഖ്യാപിച്ചത്.
Story highlights- Virat Kohli’s viral pic featuring his doppelgangers
