ഇളവെയിൽ അലകളിൽ ഒഴുകും…. എംജിക്കൊപ്പം മത്സരിച്ച് പാടി മേഘ്‌നക്കുട്ടി
ചില പാട്ടുകൾ അതിവേഗം ഹൃദയത്തിലിടം നേടാറുണ്ട്. അത്തരത്തിൽ ഏറെ ശ്രദ്ധിക്കപ്പെട്ട ഗാനമാണ് അടുത്തിടെ പുറത്തിറങ്ങിയ പ്രിയദർശൻ- മോഹൻലാൽ കൂട്ടുകെട്ടിൽ ഒരുങ്ങിയ മരക്കാർ- അറബിക്കടലിന്റെ സിംഹം എന്ന ചിത്രത്തിലെ ‘ഇള വെയിൽ അലകളിൽ ഒഴുകും…ഈ യമുനയും ഒരു നവധുവായി…’ എന്ന ഗാനം. പ്രഭ വർമ്മയുടെ വരികൾക്ക് റോണി റാഫേൽ ഈണം പകർന്ന ഗാനം എം ജി ശ്രീകുമാറും ശ്രേയ ഘോഷാലും ചേർന്നാണ് ചിത്രത്തിന് വേണ്ടി ആലപിച്ചത്. ഇപ്പോഴിതാ ഈ അതിമനോഹരഗാനവുമായി പാട്ട് വേദിയിൽ എത്തുകയാണ് പ്രേക്ഷകരുടെ പ്രിയഗായിക മേഘ്ന. ഗായകൻ എംജി ശ്രീകുമാറിനൊപ്പമാണ് മേഘ്‌നക്കുട്ടി ഈ ഗാനം ആലപിക്കുന്നത് എന്നതും ഏറെ ശ്രദ്ധേയമാണ്.
പാടാൻ ഏറെ പ്രയാസമുള്ള ഗാനം വരികളും താളവും തെറ്റാതെ അസാധ്യമായാണ് എംജി ശ്രീകുമാറിനൊപ്പം ചേർന്ന് ഈ കുരുന്ന് ആലപിക്കുന്നത്. നിറഞ്ഞ കൈയടിയോടെയാണ് വേദി ഈ കുരുന്നിന്റെ പാട്ടിനെ സ്വീകരിക്കുന്നതും.
പാട്ട് വേദിയിലെ കുസൃതി കുറുമ്പിയാണ് മേഘ്ന കുട്ടി. അസാമാന്യ ആലാപനമികവോടെയാണ് ഈ കുഞ്ഞുമോൾ ഈ ചെറുപ്രായത്തിനുള്ളിൽ പാട്ടുകൾ പഠിക്കുന്നതും പാടുന്നതുമൊക്കെ. എത്ര പ്രയാസമേറിയ പാട്ടുകളും വേഗത്തിൽ പഠിച്ചെടുത്ത് മനോഹരമായി പാടുന്ന മേഘ്ന മോളുടെ എപ്പിസോഡുകൾക്കായി കാത്തിരിക്കാറുമുണ്ട് ആരാധകർ.
Read also: ചിത്രത്തിൽ ആദ്യം കാണുന്നത് പക്ഷിയേയോ, മുതലയേയോ- വീണ്ടും കൗതുകമായി ഒരു ചിത്രം
അതേസമയം മലയാളികൾ എക്കാലത്തും കേൾക്കാൻ കൊതിയ്ക്കുന്ന ഗാനങ്ങൾ കൊണ്ട് പാട്ട് വേദിയെ വിസ്‍മയിപ്പിക്കുന്ന കൊച്ചു ഗായക പ്രതിഭകളാണ് ടോപ് സിംഗർ വേദിയിൽ മാറ്റുരയ്ക്കാൻ എത്തുന്നത്. പാട്ടിനൊപ്പം നൃത്തവും സ്കിറ്റുകളുമൊക്കെയായി അസുലഭ നിമിഷങ്ങളാണ് പാട്ട് വേദിയിലൂടെ കൊച്ചു പ്രതിഭകൾ പ്രേക്ഷകർക്ക് സമ്മാനിക്കുന്നത്. സംഗീതത്തിനൊപ്പം കളിയും ചിരിയും അരങ്ങേറുന്ന ഈ വേദി ഇന്ന് മലയാളികളുടെ സ്വീകരണമുറിയിൽ ഇടംനേടിക്കഴിഞ്ഞതാണ്.
Story highlights: Meghna with mg sreekumar- marakkar song
