നാവിന്റെ പ്രത്യേകതകൊണ്ട് ലോകറെക്കോർഡ്; അമ്പരന്ന് കാഴ്ചക്കാർ
ലോക റെക്കോർഡ് നേടിയ നിരവധിപ്പേരെ നാം കാണാറുണ്ട്. അത്തരത്തിൽ ശരീര സവിശേഷതകൊണ്ട് ലോക റെക്കോർഡ് നേടിയ നിരവധിപ്പേരിൽ ഒരാളാണ് യുഎസിലെ മിഷിഗണില്‍ നിന്നുള്ള ഒരു യുവാവ്. നാവിന്റെ സവിഷേതകൊണ്ടാണ് ഈ യുവാവ് ഏറെ ശ്രദ്ധിക്കപ്പെടുന്നത്. ഡാന്റെ ബാണ്‍സ് എന്നാണ് ഈ യുവാവിന്റെ പേര്. നാവിന്റെ നീളമോ വീതിയോ ഒന്നുമല്ല ഡാന്റെയെ ലോക റെക്കോര്‍ഡിന് ഉടമയാക്കിയത്. നാക്കിന്റെ ആകെ വ്യാപ്തിയാണ് ഡാന്റെയുടെ പ്രത്യേകത. ഈ പ്രത്യേകതകൊണ്ട് ഗിന്നസ് ബുക്ക് ഓഫ് റെക്കോഡ്‌സിലും ഇടംനേടിക്കഴിഞ്ഞു ഈ യുവാവ്.
ഒരു പന്തിന് സമാനമായി നാവ് ഉരുട്ടിവയ്ക്കാന്‍ ഡാന്റെയ്ക്ക് സാധിക്കും. അങ്ങനെ വയ്ക്കുമ്പോൾ നാല് സെന്റീ മീറ്ററിലധികം ഉയരവും വീതിയും ഡാന്റെയുടെ നാവിനുണ്ട്. അതേസമയം 2021 ഡിസംബറിലാണ് ഈ പ്രത്യേകതയുടെ അടിസ്ഥാനത്തില്‍ ഡാന്റെക്ക് ഗിന്നസ് റെക്കോര്‍ഡ് ലഭിച്ചത്. ശരീരത്തിലെ മറ്റ് ഏത് പേശിയെയും എന്ന പോലെ നാവിനെയും ഇഷ്ടാനുസരണം വളയ്ക്കാനും വികസിപ്പിക്കാനുമെല്ലാം ഡാന്റെക്ക് കഴിയും എന്നതാണ് മറ്റൊരു പ്രത്യേകത. അതേസമയം ഇതിന് പിന്നിലെ കാരണം ഇതുവരെ ഡാന്റെക്കും കൃത്യമായി അറിയില്ല.
Read also: ഒന്നാം രാഗം പാടി ശ്യാം, ഇവനെ കിട്ടിയാൽ ജീവനോടെ കൊണ്ടുവരണമെന്ന് വേണുഗോപാൽ, രസകരമായ വിഡിയോ
എന്നാൽ നാവിന് ഈ പ്രത്യേകത ഉണ്ടെങ്കിലും കാഴ്ചയിലോ, സംസാരത്തിലോ, ഭക്ഷണം കഴിക്കുന്നതിലോ ഒന്നും ഒരു ബുദ്ധിമുട്ടും ഇല്ലെന്നാണ് ഡാന്റെ ബാണ്‍സ് പറയുന്നത്. എന്തായാലും ഡാന്റെയുടെ നാവിന്റെ പ്രത്യേകതയുടെ ചിത്രങ്ങളും വിഡിയോകളും സോഷ്യല്‍ മീഡിയയിലൂടെ ശ്രദ്ധിക്കപ്പെട്ടതോടെ ഇദ്ദേഹത്തെ അന്വേഷിച്ച് എത്തുന്നവരും നിരവധിയാണ്. അതേസമയം നാവിന്റെ ഈ പ്രത്യേകതയുടെ പേരില്‍ ലോക റെക്കോര്‍ഡ് വരെ തന്നെ തേടിയെത്തുമെന്ന് ഒരിക്കലും ചിന്തിച്ചിട്ട് പോലുമില്ലെന്നും ഡാന്റെ പറയുന്നു.
Story highlights: world record for largest tongue circumference
