സൈക്കിളിൽ സവാരിയ്ക്ക് ഇറങ്ങിയതാണ് പക്ഷെ, ചിരിനിറച്ചൊരു വിഡിയോ
ദിവസവും ഒട്ടനവധി കൗതുക ചിത്രങ്ങളും വിഡിയോകളുമാണ് സമൂഹമാധ്യമങ്ങളിൽ ചർച്ചയാകുന്നത്. ഇപ്പോഴിതാ അത്തരത്തിൽ ഒരു രസകരമായ വിഡിയോയാണ് കാഴ്ചക്കാരിൽ ഏറെ ചിരി പടർത്തുന്നത്. ദൃശ്യങ്ങളിലെ താരം ഒരു ഗൊറില്ലയാണ്. നേരത്തെയും ഇത്തരത്തിൽ പക്ഷികളുടെയും മൃഗങ്ങളുടേയുമൊക്കെ രസകരമായ ദൃശ്യങ്ങൾ വലിയ രീതിയിൽ ജനശ്രദ്ധ പിടിച്ചുപറ്റിയിട്ടുണ്ട്. ഇപ്പോഴിതാ റോഡിലൂടെ സൈക്കിൾ ഓടിച്ചുവരുന്ന ഒരു ഗൊറില്ലയാണ് കാഴ്ചക്കാരിൽ ചിരി നിറയ്ക്കുന്നത്. മൃഗശാലയിലെ മതിൽകെട്ടിനുള്ളിലൂടെയാണ് ഗൊറില്ലയുടെ സൈക്കിൾ സവാരി.
വളരെ ഗമയോടെ സൈക്കിൾ ഓടിച്ചുവരുന്നതിനിടെ റോഡിന്റെ വളവെത്തി, ഈ സമയത്ത് സൈക്കിൾ വളയ്ക്കാൻ ശ്രമിച്ചെങ്കിലും ഗൊറില്ല സൈക്കിളുമായി മറിഞ്ഞ് വീണു. ഇതോടെ കലിപ്പിലായ താരം സൈക്കിൾ എടുത്ത് ദേഷ്യത്തിൽ ഒറ്റയേറ്. സാധാരണ കുട്ടികളെപോലെ പിണങ്ങിപോകുന്ന ഗൊറില്ലയുടെ ഈ വിഡിയോ ഐഎഫ്എസ് ഉദ്യോഗസ്ഥനായ ഡോക്ടർ സമ്രാട് ഗൗഡയാണ് സമൂഹമാധ്യമങ്ങളിൽ പങ്കുവെച്ചത്. വിഡിയോ സോഷ്യൽ ഇടങ്ങളിൽ വൈറലായതോടെ നിരവധിപ്പേരാണ് ഈ വിഡിയോ ഏറ്റെടുത്തിരിക്കുന്നത്.
Read also: കാൻസറാണെന്ന് അറിഞ്ഞപ്പോൾ കരഞ്ഞുപോയി, രോഗത്തെ മനക്കരുത്തുകൊണ്ട് അതിജീവിച്ച കഥയുമായി നടി മഹിമ…
മുൻപും പക്ഷികളുടെയും മൃഗങ്ങളുടേയുമൊക്കെ ഇത്തരം കൗതുകം നിറഞ്ഞ ദൃശ്യങ്ങൾ വലിയരീതിയിൽ ശ്രദ്ധനേടിയിട്ടുണ്ട്. അതേസമയം മനുഷ്യരുടേതിന് സമാനമായ ഒട്ടനവധി കഴിവുകൾ ഉള്ള മൃഗം കൂടിയാണ് ഗൊറില്ല. മനുഷ്യരെ ഏറെ അത്ഭുതപ്പെടുത്തിയ ഒരു ഗൊറില്ലയാണ് കോകോ. ലോകത്തിലെ തന്നെ ഏറ്റവും പ്രശസ്തിയാര്‍ജ്ജിച്ച ഒരു മൃഗം കൂടിയായിരുന്നു കോകോ എന്ന പെണ്‍ ഗൊറില്ല. കോകോയെ മരണം കവര്‍ന്നെങ്കിലും പലരും ഇന്നും ഓര്‍ക്കാറുണ്ട് കോകോയെ. ചെറുപ്പം മുതല്‍ക്കേ പ്രത്യേകതകളും ഏറെയുണ്ടായിരുന്നു കോകോയ്ക്ക്. മറ്റുള്ളവര്‍ പറയുന്നതൊക്കെ അവള്‍ മനസ്സിലാക്കി. ഇംഗ്ലീഷ് ഭാഷയിലെ രണ്ടായിരത്തോളം വാക്കുകള്‍ കേട്ടാല്‍ കോകോ തിരിച്ചറിയും. ആംഗ്യഭാഷ ഉപയോഗിച്ച് ആശയവിനിമയം നടത്തുന്നതിലും കോകോ ശ്രദ്ധിക്കപ്പെട്ടിരുന്നു.
Story highlights: Gorilla falls down after riding bicycle- Hilarious viral video
