ചുരുളഴിയാത്ത രഹസ്യങ്ങളുമായി ‘ദൃശ്യം 2’ ബോളിവുഡ് പതിപ്പ്- ട്രെയ്‌ലർ എത്തി
മികച്ച പ്രേക്ഷക സ്വീകാര്യത നേടിയ ദൃശ്യം 2 വിവിധ ഭാഷകളിലേക്കാണ് റീമേക്ക് ചെയ്യുന്നത്. അജയ് ദേവ്ഗണും തബുവും പ്രധാന കഥാപാത്രങ്ങളായെത്തുന്ന ഹിന്ദി റീമേക്കിന്റെ ട്രെയ്‌ലർ പ്രേക്ഷകരിലേക്ക് എത്തി. അജയ് ദേവ്ഗൺ, വിജയ് എന്ന കഥപാത്രമായി എത്തുമ്പോൾ ശ്രീയ ശരൺ ആണ് നായികയായി എത്തുന്നത്. ഹിന്ദിയിലേക്ക് എത്തുമ്പോൾ കഥയിൽ കാര്യമായ മാറ്റങ്ങൾ ഒന്നുമില്ലെന്ന സൂചനയാണ് ട്രെയ്‌ലർ നൽകുന്നത്.
ഇറങ്ങിയ എല്ലാ ഭാഷകളിലും വലിയ വിജയമായതിന് ശേഷം 2021-ലാണ് മലയാളത്തിൽ ദൃശ്യത്തിന്റെ രണ്ടാം ഭാഗമൊരുങ്ങിയത്. ആദ്യഭാഗം പോലെ തന്നെ വലിയ വിജയം നേടിയ ദൃശ്യം 2 വും മറ്റ് ഭാഷകളിലേക്ക് റീമേക്ക് ചെയ്യപ്പെട്ടിരുന്നു. അഭിഷേക് പതകാണ് ചിത്രം സംവിധാനം ചെയ്യുന്നത്. ശ്രിയ ശരണ്‍ തബു, ഇഷിത് ദത്ത തുടങ്ങിയവരാണ് ചിത്രത്തില്‍ പ്രധാന കഥാപാത്രങ്ങളായി എത്തുന്നത്.
തെലുങ്ക്, കന്നഡ, ഹിന്ദി ഭാഷകള്‍ക്ക് പുറമേ സിംഹള, ചൈനീസ് ഭാഷകളിലും ചിത്രം പല സമയങ്ങളിലായി റീമേക്ക് ചെയ്യപ്പെട്ടിരുന്നു. അവയൊക്കെ വലിയ വിജയങ്ങളും നേടിയിരുന്നു. ഇന്തോനേഷ്യന്‍ ഭാഷയിലും ചിത്രം റീമേക്ക് ചെയ്യുന്നുവെന്ന് മലയാളം ഒറിജിനലിന്‍റെ നിര്‍മ്മാതാക്കളായ ആശിര്‍വാദ് സിനിമാസ് വെളിപ്പെടുത്തിയിരുന്നു. ‘ദൃശ്യ’ എന്ന പേരില്‍ കന്നഡയിലും തമിഴില്‍ ‘പാപനാശം’ എന്ന പേരിലുമായിരുന്നു ചിത്രം റീമേക്ക് ചെയ്യപ്പെട്ടത്. പനോരമ സ്റ്റുഡിയോസ് ഇന്റര്‍നാഷണലിന്റെ ബാനറിലാണ് ദൃശ്യം 2 വിന്റെ ഹിന്ദി പതിപ്പൊരുങ്ങുന്നത്.
READ ALSO; “ഒറ്റയ്ക്ക് അടിച്ചു തന്നാടാ ഇത് വരെ എത്തിയത്..”; ആവേശമുണർത്തി പൃഥ്വിരാജിന്റെ കാപ്പയുടെ ടീസറെത്തി
2021 ഫെബ്രുവരി 19 നാണ് ‘ദൃശ്യം 2’ ആമസോണ്‍ പ്രൈമില്‍ റിലീസ് ചെയ്‍തത്. മോഹന്‍ലാലിന്റെ ജോർജ്കുട്ടി എന്ന കഥാപാത്രത്തിനും ജീത്തു ജോസഫിന്റെ സംവിധാനത്തിനും ലോകമെമ്പാടുമുള്ള പ്രേക്ഷരില്‍ നിന്നും വൻ പ്രതികരണമാണ് ലഭിച്ചത്. ചിത്രത്തില്‍ മോഹന്‍ലാലിനൊപ്പം മീന, അന്‍സിബ, എസ്‍തര്‍, സിദ്ദിഖ്, ആശ ശരത്, സിദ്ദിഖ് എന്നിങ്ങനെ ആദ്യ ഭാഗത്തിലെ താരങ്ങളും അഭിനയിച്ചിരുന്നു. രണ്ടാം ഭാഗത്തില്‍ മുരളി ഗോപി, സായികുമാര്‍, ഗണേഷ് കുമാര്‍ തുടങ്ങിയവരും പ്രധാന വേഷത്തിലെത്തി.
Story highlights- drishyam 2 bollywood remake trailer
