വിവാഹമോചിതരായ സ്ത്രീകൾക്കായി ഒരു ക്ഷേത്രം; ഇത് ജപ്പാനിലെ വേറിട്ട സാംസ്‌കാരിക രീതി
പൊതുവെ ആരാധനാലയങ്ങളിൽ മംഗളകരമായ കാര്യങ്ങളാണ് നടക്കാറുള്ളത്. വിവാഹങ്ങളും ഇതി ഉൾപ്പെടും. എന്നാൽ, വിവാഹമോചിതർക്ക് വേണ്ടിയുള്ള ക്ഷേത്രത്തെക്കുറിച്ച് കേട്ടിട്ടുണ്ടോ? ജപ്പാനിലാണ് ഇങ്ങനെയൊരു ക്ഷേത്രം നിലനിൽക്കുന്നത്. ജാപ്പനീസ് ചരിത്രത്തിലെ എഡോ കാലഘട്ടത്തിൽ സ്ത്രീകളെ ശക്തിയില്ലാത്തവരും അവരുടെ ഭർത്താക്കന്മാർക്കും പിതാവിനും പൂർണ്ണമായും വിധേയരായ രീതിയിൽ ആയിരുന്നു കണ്ടിരുന്നത്. എന്നാൽ, വിവാഹമോചനത്തിന്റെ കാര്യത്തിൽ ജപ്പാൻ അല്പം കൂടി മുന്നോട്ട് സഞ്ചരിച്ചിരുന്നു അക്കാലത്ത് തന്നെ.
നിയമപരമായി വിവാഹമോചനം നടത്താൻ പുരുഷന്മാർക്ക് മാത്രമേ കഴിയൂവെങ്കിലും, ഭർത്താക്കന്മാരോട് അതൃപ്തിയുള്ള സ്ത്രീകൾക്ക് വിവാഹമോചന ക്ഷേത്രങ്ങളിൽ അഭയം പ്രാപിക്കാൻ അവസരമുണ്ടായിരുന്നു.600 വർഷത്തിലേറെ പഴക്കമുള്ള, ജപ്പാന്റെ സാംസ്കാരികവും ചരിത്രപരവുമായ ഭൂപ്രകൃതിയിൽ മാറ്റ്സുഗോക്ക ടകെയ്-ജി എന്ന ക്ഷേത്രം സവിശേഷവും സുപ്രധാനവുമായ സ്ഥാനം വഹിക്കുന്നത് ഇതുകൊണ്ടാണ്. വിവാഹമോചന ക്ഷേത്രം എന്നും അറിയപ്പെടുന്ന ഈ ക്ഷേത്രം ഫ്യൂഡൽ രീതികൾ നിലനിന്ന ജപ്പാനിലെ പ്രശ്‌നകരമായ വിവാഹങ്ങളിൽ നിന്ന് അഭയം തേടുന്ന സ്ത്രീകൾക്കുള്ള ഒരു സങ്കേതമെന്ന നിലയിൽ സവിശേഷമായ പ്രാധാന്യമർഹിക്കുന്നുണ്ട്.
1285-ൽ ബുദ്ധ സന്യാസിനിയായ കകുസൻ ഷിഡോ-നി സ്ഥാപിച്ച ഈ ക്ഷേത്രം ഒരു ബുദ്ധക്ഷേത്രമാണ്. ആവശ്യമുള്ള സ്ത്രീകൾക്ക് ആത്മീയ മാർഗനിർദേശവും പിന്തുണയും നൽകുന്നതിനുള്ള ഒരു കോൺവെന്റായിട്ടാണ് ഇത് ആദ്യം സ്ഥാപിതമായത്. ജപ്പാനിലെ കനഗാവ പ്രിഫെക്ചറിലെ കാമകുര നഗരത്തിൽ സ്ഥിതി ചെയ്യുന്ന ഈ ക്ഷേത്രം, ദുരുപയോഗം ചെയ്യുന്നതോ അസന്തുഷ്ടമായതോ ആയ വിവാഹങ്ങളിൽ നിന്ന് രക്ഷപ്പെടാൻ ആഗ്രഹിക്കുന്ന സ്ത്രീകൾക്ക് ആശ്രയമായി.
Read Also: ‘എല്ലാവരുടെയും പ്രാർത്ഥനയ്ക്ക് നന്ദി, കുഴപ്പങ്ങളൊന്നുമില്ല’- ആശുപത്രിവിട്ട് ബിനു അടിമാലി
എഡോ കാലഘട്ടത്തിൽ, വിവാഹമോചനങ്ങൾ നേടുന്നത് പലപ്പോഴും വെല്ലുവിളി നിറഞ്ഞതായിരുന്നു, പ്രത്യേകിച്ച് സ്ത്രീകൾക്ക്. അടിച്ചമർത്തുന്ന ബന്ധങ്ങളിൽ നിന്ന് മോചനം തേടുന്നവർക്ക് ടോക്കിജി ക്ഷേത്രം ഒരു അഭയകേന്ദ്രമായി മാറി. ക്ഷേത്രത്തിന്റെ ചരിത്രവുമായി ബന്ധപ്പെട്ട വിവിധ പുരാവസ്തുക്കളും രേഖകളും ചരിത്ര വിവരണങ്ങളും പ്രദർശിപ്പിക്കുന്ന ഒരു മ്യൂസിയവും ഇവിടെയുണ്ട്. ചരിത്രപരവും സാംസ്കാരികവുമായ പ്രാധാന്യത്തിനപ്പുറം, ഇത് സജീവമായ ഒരു ബുദ്ധക്ഷേത്രമായി പ്രവർത്തിക്കുന്നു. മതപരമായ ചടങ്ങുകൾ, ധ്യാന സെഷനുകൾ, റിട്രീറ്റുകൾ എന്നിവ ഇവിടെ നടത്തുന്നു.
Story highlights- japan’s temple for divorcee
