ലോകത്തിലെ ഏറ്റവും കൃത്യനിഷ്ഠതയുള്ള വിമാനത്താവളം ഇന്ത്യയിൽ!

ലോകത്തിലെ ഏറ്റവും മികച്ച എയർപോർട്ട് എന്ന് കേൾക്കുമ്പോൾ എല്ലാവരും ഇന്ത്യക്ക് പുറത്തേക്കുള്ള ലിസ്റ്റിലേക്ക് പോകും. എന്നാൽ, അത് ഇന്ത്യയിലാണുള്ളത്! ബെംഗളൂരുവിലെ കെംപെഗൗഡ അന്താരാഷ്ട്ര വിമാനത്താവളം (KIA) തുടർച്ചയായ മൂന്നാം മാസവും ‘ലോകത്തിലെ ഏറ്റവും കൃത്യസമയത്തുള്ള വിമാനത്താവളം’ എന്ന ബഹുമതി നേടി അഭിമാനമായിരിക്കുകയാണ്.

ഏവിയേഷൻ അനലിറ്റിക്‌സ് കമ്പനിയായ സിറിയം നടത്തിയ സർവേയിലാണ് ഇക്കാര്യം കണ്ടെത്തിയത്. ജൂലൈയിൽ 87.51 ശതമാനവും ഓഗസ്റ്റിൽ 89.66 ശതമാനവും സെപ്തംബറിൽ 88.51 ശതമാനവും നേടിയതോടെ ബെംഗളൂരു വിമാനത്താവളം സമയനിഷ്ഠയുടെ കാര്യത്തിൽ അന്തർദേശീയ തലത്തിൽ മുൻപതിയിൽ ഉണ്ടെന്ന് ഉറപ്പായി.

സെപ്റ്റംബറിൽ കെംപെഗൗഡ അന്താരാഷ്ട്ര വിമാനത്താവളത്തിലെ 88.51 ശതമാനം വിമാനങ്ങളും സമയബന്ധിതമായി ആണ് യാത്ര നടത്തിയത്. ഇത് വലിയ നേട്ടമാണ് എന്നാണ് സർവേ പറയുന്നത്.

Read also: അക്ഷരലോകത്തേക്ക് ചുവടുവയ്ക്കാൻ കുരുന്നുകൾ, നല്ല തുടക്കങ്ങളുടെയും ദിനം- ഇന്ന് വിദ്യാരംഭം

88 റൂട്ടുകളും 35 എയർലൈനുകളുമായുള്ള പങ്കാളിത്തവും ഉൾപ്പെടുന്ന ഒരു ശൃംഖല KIA യ്ക്കുണ്ട്. 2022-2023 ൽ ഏകദേശം 31.91 ദശലക്ഷം യാത്രക്കാർക്ക് സേവനം നൽകിയ ഇന്ത്യയിലെ ഏറ്റവും തിരക്കേറിയ മൂന്നാമത്തെ വിമാനത്താവളമാണ് KIA. ഇത്രയും വലിയ സംഖ്യയിൽ, കൃത്യനിഷ്ഠ പാലിക്കുക എന്നത് വളരെ വലിയ കാര്യമാണ്.

യുട്ടായിലെ സാൾട്ട് ലേക്ക് സിറ്റി ഇന്റർനാഷണൽ എയർപോർട്ട് (യുഎസ്എ), ഹൈദരാബാദിലെ രാജീവ് ഗാന്ധി ഇന്റർനാഷണൽ എയർപോർട്ട്, മിനിയാപൊളിസ്-സെന്റ് എന്നിവയാണ് ആദ്യ അഞ്ച് പട്ടികയിൽ ഇടം നേടിയ മറ്റ് വിമാനത്താവളങ്ങൾ. പോൾ ഇന്റർനാഷണൽ എയർപോർട്ട്, എൽ ഡൊറാഡോ ഇന്റർനാഷണൽ എയർപോർട്ട് എന്നിവ യഥാക്രമം.

Story highlights- Worlds Most Punctual Airport