‘തീരുമാനം നിങ്ങളുടേത്, പക്ഷെ ആരോഗ്യം നന്നായി സൂക്ഷിക്കണം’- അൽഫോൺസ് പുത്രന് ആശംസയുമായി കമൽഹാസൻ

സോഷ്യൽ മീഡിയയിൽ ഏറെ ചർച്ചയായ വിഷയമായിരുന്നു അൽഫോൻസ് പുത്രൻ സോഷ്യൽ മീഡിയയിൽ പങ്കുവെച്ച കുറിപ്പ്. താൻ സിനിമ ചെയ്യുന്നത് നിർത്തുകയാണെനന്നായിരുന്നു അൽഫോൻസ് കുറിപ്പിൽ പറഞ്ഞത്. തനിക്ക് ഓട്ടിസം സ്പെക്ട്രം ഡിസോർഡർ  ആണെന്ന് അൽഫോൺസ് പുത്രൻ പങ്കുവെച്ചിരുന്നു. പിന്നാലെ, കുറിപ്പ് സമൂഹമാധ്യമങ്ങളിൽ നിന്നും നീക്കം ചെയ്തിരുന്നെകിലും നിരവധി ആളുകളാണ് സൗഖ്യം ആശംസിച്ച് എത്തിയത്. ഇപ്പോഴിതാ, നടൻ കമൽഹാസനും അൽഫോൺസ് പുത്രന് ഹൃദ്യമായ ആശംസ അറിയിക്കുകയാണ്.

നവംബർ 7 ന് കമൽഹാസന് 69 വയസ്സ്തികഞ്ഞ വേളയിൽ അൽഫോൺസ് പുത്രൻ അദ്ദേഹത്തിന് ജന്മദിനാശംസകൾ നേരാൻ ഒരു പ്രത്യേക ഗാനം സൃഷ്ടിച്ചിരുന്നു. കമൽഹാസന് അയച്ചുകൊടുക്കണമെന്ന് ആവശ്യപ്പെട്ട് അദ്ദേഹം നടൻ പാർഥിബനെ ബന്ധപ്പെട്ടു.കമൽഹാസൻ പാട്ട് കേട്ട് അൽഫോൺസിന് ഒരു വോയ്‌സ് നോട്ട് അയച്ചു. ഇതിൽ ആരോഗ്യം ശ്രദ്ധിക്കണമെന്ന് അദ്ദേഹം ആവശ്യപ്പെട്ടു.

ആരോഗ്യസ്ഥിതി കണക്കിലെടുത്ത് സിനിമയിൽ നിന്ന് വിട്ടുനിൽക്കുമെന്ന് അൽഫോൺസ് പുത്രൻ പ്രഖ്യാപിച്ചിരുന്നു. എന്നിരുന്നാലും, അദ്ദേഹം പിന്നീട് പോസ്റ്റ് ഡിലീറ്റ് ചെയ്തു. അതിനുശേഷം അദ്ദേഹത്തിന് സെലിബ്രിറ്റികളിൽ നിന്നും ആരാധകരിൽ നിന്നും ധാരാളം സന്ദേശങ്ങൾ ലഭിച്ചു.

കമൽഹാസന്റെ പിറന്നാൾ ദിനത്തിൽ അൽഫോൺസ് തന്റെ ശബ്ദത്തിൽ ഒരു ഗാനം റെക്കോർഡ് ചെയ്യുകയും അത് തനിക്ക് അയച്ചു തരാമോ എന്ന് ചോദിച്ച് പാർഥിബന്റെ അടുത്ത് എത്തുകയും ചെയ്തിരുന്നു. തന്റെ പാട്ട് കമൽഹാസന് അയച്ചുകൊടുക്കാൻ പല വഴികളും ശ്രമിച്ച് പരാജയപ്പെട്ടുവെന്നും അദ്ദേഹം പറഞ്ഞു.

பெரிதோ சிறிதோ விருதே கிடைத்தாலும்,என் பிறந்த நாள் பரிசாக நான் நினைப்பது இக்குரலை தான்….

கேட்கும் மாத்திரத்தில் புரியாது….
புதிய பாதைக்கு முன் நாகரீகமாக யாசகமே பலரிடம் கேட்டிருக்கிறேன்.அதன் பின் அருள் பாவிக்கும் ரசிகர்களாகிய உங்களின் ஆதரவால் நான் யாரிடமும் எனக்காக எதையும்… pic.twitter.com/INYEj3f8UY

— Radhakrishnan Parthiban (@rparthiepan) November 16, 2023

Read also: ‘പ്രകാശത്തിന്റെ ആകാശോത്സവം’; അങ്ങ് ബഹിരാകാശത്തു നിന്നും ദീപാവലി ആശംസകൾ!

അൽഫോൺസിന്റെ പാട്ട് കേട്ട് കമൽഹാസൻ പാർഥിബൻ മുഖേന ഒരു വോയ്‌സ് നോട്ട് അയച്ചു. ഇതിൽ താരം പറഞ്ഞു, ‘ഞാൻ അൽഫോൺസ് പുത്രന്റെ പാട്ട് കേട്ടു, ആരോഗ്യപരമായി അദ്ദേഹം സുഖമായിരിക്കുന്നില്ലെന്ന് ഞാൻ കേട്ടു, പക്ഷേ, അദ്ദേഹം മാനസികമായി സുഖമായിരിക്കുന്നതായി തോന്നുന്നു. അദ്ദേഹത്തിന്റെ ശബ്ദം അത് പ്രതിഫലിപ്പിക്കുന്നു. ഞാൻ അദ്ദേഹത്തിന് ആരോഗ്യം ആശംസിക്കുന്നു. സന്തോഷം. തീരുമാനം എന്തുതന്നെ ആയാലും അദ്ദേഹം തന്റെ ആരോഗ്യം ശ്രദ്ധിക്കട്ടെ.’

Story highlights- Kamal Haasan thanks Alphonse for birthday wishes