പത്താംവയസിൽ ദിവസക്കൂലിക്ക് തുടങ്ങിയ ജീവിതം; ഇന്ന് 2000 കോടി ആസ്തിയുള്ള മലയാളി!
ചിലരുടെ ജീവിത വിജയം അമ്പരപ്പിക്കുന്നതാണ്. വിജയിച്ചുനിൽക്കുമ്പോൾ മാത്രമാണ് അവരുടെ കടന്നുവന്ന പാതയെക്കുറിച്ച് ചർച്ചകളുണ്ടാകാറുള്ളു. അത്തരത്തിൽ അനുഭങ്ങളുടെ തീച്ചൂളയിൽ നിന്നും ഇന്ന് 2000 കോടി രൂപയുടെ ആസ്‌തിയിലേക്ക് വളർന്ന ഒരു മലയാളിയാണ് ഇപ്പോൾ കയ്യടി നേടുന്നത്. കേരളത്തിലെ ഒരു ഗ്രാമത്തിലെ ദുരിതപൂർണമായ ബാല്യത്തിൽ നിന്നും ഇന്ന് ഒരു കമ്പനിയുടെ സിഇഓ ആയി മാറിയ മുസ്തഫ പിസിയുടെ യാത്ര ഇപ്പോഴാണ് ശ്രദ്ധനേടുന്നത്.
iD ഫ്രഷ് ഫുഡിന്റെ സിഇഒ ആകുന്നതിലേക്കുള്ള മുസ്തഫ പിസിയുടെ യാത്ര കഠിനമായിരുന്നു. അദ്ദേഹത്തിന്റെ കമ്പനിക്ക് ഇപ്പോൾ 2,000 കോടി രൂപയുടെ മൂല്യമുണ്ട്. എന്നാൽ അദ്ദേഹത്തിന്റെ വേരുകൾ പോരാട്ടത്തിന്റെ കഥയാണ് പറയുന്നത്.ദി നിയോൺ ഷോ പോഡ്‌കാസ്റ്റിലെ ഒരു സംഭാഷണത്തിൽ, മുസ്തഫ തന്റെ ആദ്യകാല ജീവിതത്തെക്കുറിച്ചുള്ളഅനുഭവങ്ങൾ പങ്കുവെച്ചതിൽ നിന്നുമാണ് ശ്രദ്ദേയംകുന്നത്.
കുട്ടിക്കാലത്ത് തന്നെ, ഇഞ്ചി ഫാമിൽ ദിവസ വേതനക്കാരനായ പിതാവിനെ സഹായിക്കാൻ സഹോദരങ്ങൾക്കൊപ്പം മുസ്തഫ ജോലി ചെയ്തു. ദിവസേന 10 രൂപ മാത്രം സമ്പാദിക്കുന്ന മുസ്തഫയുടെ പിതാവ് കുടുംബം പോറ്റാൻ പാടുപെട്ടു.. ഗ്രാമത്തിൽ വിറക് വിൽപന പോലുള്ള ചെറിയ ജോലികൾ ചെയ്യാൻ മുസ്തഫ തുടങ്ങി. വെറും പത്ത് വയസ്സുള്ളപ്പോൾ, ഫാമിൽ പിതാവിനെ സഹായിക്കാൻ തുടങ്ങി, പിന്നീട് തന്റെ കരിയറിനെ നിർവചിക്കുന്ന ഒരു സംരംഭകത്വത്തിലേക്ക് മെല്ലെ വളർന്നു.
Read also: ഇനി ഏതാനും മണിക്കൂറുകളുടെ കാത്തിരിപ്പ് മാത്രം; ‘ഡിബി നൈറ്റ് ബൈ ഫ്‌ളവേഴ്‌സ് ചാപ്റ്റർ 3’ ഇന്ന് കൊച്ചിയിൽ!
തന്റെ അധ്വാനത്തിൽ നിന്ന് ഓരോ തുകയും അദ്ദേഹം സൂക്ഷ്മമായി സംരക്ഷിച്ചു, ഒടുവിൽ 150 രൂപയ്ക്ക് ഒരു ആടിനെ വാങ്ങാൻ ആവശ്യമായ തുക സ്വരൂപിച്ചു. ഈ ആട് ഈ കുടുംബത്തിന്റെ ആദ്യത്തെ സ്വത്തായിരുന്നു അത്. ഇന്ന് അവിടെനിന്നും 2000 കൊടിയിലേക്ക് എത്തിനിൽക്കുകയാണ് ആ വളർച്ച..
Story highlights- Musthafa PC’s journey to becoming the CEO of iD Fresh Food
