മൂന്നാം വയസ്സിലെ വിവാഹം; അതിഥിയായി എത്തിയ കാൻസർ- വെല്ലുവിളികളെ അതിജീവിച്ച് പോലീസ് സേനയിലെത്തിയ പെൺകരുത്ത്

അപ്രതീക്ഷിത വഴിത്തിരിവുകളിലൂടെയാണ് ഓരോ ജീവിതവും കടന്നു പോകുന്നത്. അപ്രതീക്ഷിത വഴിത്തിരിവുകളിലൂടെ ജീവിതം സഞ്ചരിച്ചപ്പോഴും സ്വപ്നം നേടിയെടുക്കാനും മറ്റുള്ളവർക്ക് മാതൃകയാകാനും സാധിച്ച വ്യക്തിയാണ് രാജസ്ഥാനിലെ ഒരു പോലീസ് ഉദ്യോഗസ്ഥ. ഗ്രാമത്തിലെ ആദ്യ വനിതാ പോലീസ് ഉദ്യോഗസ്ഥയാണ് ഇവർ. പത്തൊൻപതാം വയസിൽ പോലീസ് സേനയിലേക്ക് എത്തിയതിനും അതിനു ശേഷവും ഒരുപാട് മുൾ പാതകൾ ഇവർ നേരിട്ടിരുന്നു.

മൂന്നാം വയസ്സിലെ വിവാഹവും, പഠനത്തോടുള്ള അഭിനിവേശവും അതിനിടയിൽ അതിഥിയായി എത്തിയ കാൻസറും വെല്ലുവിളി സൃഷ്ടിച്ചിട്ടും അവരുടെ നിശ്ചയദാർഢ്യം ഒന്നുകൊണ്ട് മാത്രം മറികടന്നത് വിജയത്തിന്റെ ഒട്ടനേകം പാതകളാണ്. ഹ്യൂമൻസ് ഓഫ് ബോംബെ ഫേസ്ബുക്ക് പേജിൽ പങ്കുവെച്ച കുറിപ്പ് ഇങ്ങനെ..

‘അടുത്തുള്ള ഗ്രാമത്തിലെ ഒരു ആൺകുട്ടിയുമായി എന്റെ വിവാഹം കഴിയുമ്പോൾ എനിക്ക് 3 വയസ്സേ ഉണ്ടായിരുന്നുള്ളൂ. ഞങ്ങളുടെ കമ്മ്യൂണിറ്റിയിൽ, ബാലവിവാഹങ്ങൾ സാധാരണമാണ്; എനിക്ക് 18 വയസ്സ് തികഞ്ഞതിന് ശേഷം എന്നെ ഭർതൃഗൃഹത്തിലേക്ക് അയക്കും. വിവാഹത്തിന്റെ അർത്ഥം മനസിലാക്കാൻ എനിക്ക് തീരെ ചെറുപ്പമായിരുന്നു – അതുകൊണ്ടുതന്നെ, ഞാൻ ശ്രദ്ധിച്ചിരുന്നത് പഠനമായിരുന്നു.

എനിക്ക് 5 വയസ്സ് തികഞ്ഞപ്പോൾ, എന്റെ ഗ്രാമത്തിന് ആദ്യത്തെ സ്കൂൾ ആരംഭിച്ചു.. ഞാൻ അച്ഛനോട് ചെന്ന് പറഞ്ഞു, എനിക്ക് ഉദ്യോഗസ്ഥയാകണം, എനിക്ക് സ്‌കൂളിൽ പോകണം’ – അദ്ദേഹം എന്നെ സ്‌കൂളിൽ അയച്ചു. ഞങ്ങൾക്ക് വൈദ്യുതി ഇല്ല, അതിനാൽ ഞാൻ രാത്രി മുഴുവൻ ഒരു വിളക്കുമായി പഠിക്കും. സ്‌കൂൾ വിട്ടതിനു ശേഷം ഞാൻ വീട്ടുജോലികളും കൃഷിയുമായി തിരക്കിലായിരുന്നു. എന്നിട്ടും, ഞാൻ എല്ലായ്പ്പോഴും ക്ലാസ്സിൽ ഒന്നാമതെത്തി!

അഞ്ചാം ക്ലാസ്സിന് ശേഷം, അയൽ ഗ്രാമത്തിലെ സ്കൂളിൽ ചേർന്നു. അവിടെത്താൻ ഞാൻ ദിവസവും 6 കിലോമീറ്റർ നടക്കണം. എന്റെ അയൽക്കാർ എന്നെ കളിയാക്കാൻ തുടങ്ങി..ഇത്രയും പഠിപ്പിച്ചിട്ട് എന്താ കാര്യം?, ,‘ ആരും വിദ്യാസമ്പന്നയായ മരുമകളെ ഇഷ്ടപ്പെടുന്നില്ല എന്നൊക്കെ. പക്ഷേ ഞാൻ കഠിനമായി പഠിച്ചു-പത്താം ക്ലാസ്സിൽ, എനിക്ക് നല്ല മാർക്കുണ്ടായിരുന്നു. ഉന്നതപഠനത്തിനായി ഞാൻ പട്ടണത്തിലേക്ക് മാറി.

അപ്പോഴാണ് ഞാൻ ഒരു പോലീസ് കോൺസ്റ്റബിളിനായി ഉള്ള റിക്രൂട്ട്മെന്റ് കണ്ടത് . ഞാൻ അപേക്ഷിക്കുകയും തിരഞ്ഞെടുക്കപ്പെട്ട അന്പതുപേരിൽ എഴുത്തുപരീക്ഷയിൽ വിജയിക്കുകയും ചെയ്ത ഒരേയൊരു പെൺകുട്ടിയും ഞാനായിരുന്നു! അച്ഛനോട് പറയാൻ എനിക്ക് പരിഭ്രാന്തി ഉണ്ടായിരുന്നു. പക്ഷേ എന്നെ അതിശയിപ്പിച്ചുകൊണ്ട് അദ്ദേഹം പറഞ്ഞു, ‘ഉദ്യോഗസ്ഥയാകാനുള്ള സ്വപ്നം പൂവണിഞ്ഞല്ലോ..’

9 മാസത്തെ കഠിന പരിശീലനത്തിന് ശേഷം, എന്റെ ഗ്രാമത്തിൽ നിന്നുള്ള ആദ്യത്തെ വനിതാ പോലീസ് കോൺസ്റ്റബിളായി എന്നെ നിയമിച്ചു. അന്ന് എനിക്ക് 19 വയസ്സായിരുന്നു. ആളുകൾ എന്നെ അഭിവാദ്യം ചെയ്യുകയും ‘പോലീസ് സാഹിബ് വരുന്നു എന്ന് പറയുകയും ചെയ്തപ്പോൾ എനിക്ക് വളരെ സന്തോഷം തോന്നി.

എന്നാൽ കുറച്ച് മാസങ്ങൾക്ക് ശേഷം എനിക്ക് വയറുവേദന തുടങ്ങി. ഡോക്ടർമാർ എന്നോട് പറഞ്ഞു, ‘നിങ്ങൾക്ക് സ്റ്റേജ് 2 അണ്ഡാശയ അർബുദമാണ്’. ഒട്ടേറെ കഷ്ടപ്പെട്ടതിനുശേഷം, ഒടുവിൽ ഞാൻ എന്റെ സ്വപ്നം സാക്ഷാത്കരിച്ചപ്പോൾ എന്റെ ജീവിതം തകർന്നുവീണു! അടുത്ത 6 മാസം ഭയാനകമായിരുന്നു – ഞാൻ 6 കീമോ സെഷനുകൾക്ക് വിധേയയായി, എന്റെ മുടി മുഴുവൻ നഷ്ടപ്പെട്ടു; ഒരു ഘട്ടത്തിൽ, എനിക്ക് 35 കിലോഗ്രാം ഭാരം മാത്രമേ ഉണ്ടായിരുന്നുള്ളൂ. എന്റെ ചികിത്സയ്ക്കായി അച്ഛൻ 4 ലക്ഷം ചെലവഴിച്ചു – അപ്പോളൊക്കെ അയൽക്കാർ അദ്ദേഹത്തോട് ചോദിക്കും, പെൺകുട്ടിക്കായി ഇത്രയും പണം എന്തിനു ചിലവാക്കി?’; മറ്റുള്ളവർ എന്നെ ബാധ്യതയായി കണ്ടു. അതിനാൽ ഞാൻ എന്നെ നാല് ചുവരുകൾക്കുള്ളിൽ ഒതുക്കി.

ഞാൻ ജോലി പുനരാരംഭിച്ചതിനുശേഷവും, തല മറയ്ക്കാൻ ഞാൻ ഒരു തൊപ്പി ധരിക്കും . അക്കാലത്ത് ഞാൻ ഒരു സംഗീത അധ്യാപകനെ പരിചയപ്പെട്ടു. അദ്ദേഹത്തിന്റെ ക്ലാസ്സിൽ ചേർന്നു. ഞാൻ ഹാർമോണിയം പഠിക്കാൻ തുടങ്ങി – ഇത് എന്റെ മനസ്സിനെ വഴിതിരിച്ചുവിടാൻ സഹായിച്ചു.

കുറച്ച് മാസങ്ങൾക്ക് ശേഷം, ഞാനും ഭർത്താവും ഒരുമിച്ച് താമസിക്കാൻ തുടങ്ങിയപ്പോൾ, ഞാൻ അദ്ദേഹത്തോട് എന്നെക്കുറിച്ച് പറഞ്ഞു. അണ്ഡാശയ അർബുദം എന്നതിനർത്ഥം അമ്മയാകാനുള്ള എന്റെ സാധ്യത കുറവാണ് എന്നും ഞാൻ തുറന്നു പറഞ്ഞു -എന്നിട്ടും അദ്ദേഹം പറഞ്ഞു, ‘എന്തായാലും ഞാൻ നിനക്കൊപ്പം ജീവിക്കാൻ ആഗ്രഹിക്കുന്നു.’ അദ്ദേഹം എന്നെ സ്വീകരിച്ചു, എനിക്ക് അതുമാത്രം മതിയായിരുന്നു.

അതിനുശേഷം, എന്റെ ജീവിതം സാമൂഹ്യപ്രവർത്തനത്തിനായി നീക്കിവയ്ക്കാൻ ഞാൻ തീരുമാനിച്ചു. നല്ലതും ചീത്തയുമായ സ്പർശനം, റോഡ് സുരക്ഷ എന്നിവയെക്കുറിച്ച് കുട്ടികളെ പഠിപ്പിക്കാൻ ഞാൻ പ്രാദേശിക സ്കൂളുകളിൽ പോയിത്തുടങ്ങി. സ്നേഹപൂർവ്വം അവർ എന്നെ ‘പോലീസ് വാലി ദീദി’ എന്ന് വിളിക്കാൻ തുടങ്ങി.

Read also: ‘ഒരുപാട് തവണ ഈ ഫോട്ടോയിലെ അച്ഛന്റെ കണ്ണുകളിൽ നോക്കി ഇരുന്നിട്ടുണ്ട്’; അച്ഛന്റെ ഓർമകളിൽ മുരളി ഗോപി..!

കഴിഞ്ഞ 3 വർഷത്തിനുള്ളിൽ, ഞാൻ ആയിരത്തിലധികം കുട്ടികളെ പഠിപ്പിച്ചു; പോലീസ് കമ്മീഷണർ എനിക്ക് അവാർഡ് നൽകി, ഞാൻ 25 ആൽബങ്ങൾ റെക്കോർഡുചെയ്‌തു, എന്റെ മുടി വീണ്ടും വളർന്നു! എന്നിട്ടും, ഞാൻ പലപ്പോഴും എന്റെ പഴയ മുടിയില്ലാത്ത ചിത്രങ്ങൾ നോക്കുന്നു- ഞാൻ എത്ര ദൂരം എത്തിയെന്നും ഇനിയും എത്ര ദൂരം പോകാനുണ്ടെന്നും ഈ ചിത്രം എന്നെ ഓർമ്മപ്പെടുത്തുന്നു..

Story highlights- rajasthan women police officers touching life story