കോഫി രുചിക്കാൻ ഒരു ജോലി; എന്താണ് കോഫി കപ്പിംഗ്? അറിയാം
കാപ്പി കുടിച്ച് ഗുണനിലവാരം തിരിച്ചറിയുക. ഒരു ജോലിയാണ് ഇത് എന്ന് പറഞ്ഞാൽ ചിലർക്കെങ്കിലും അത്ഭുതം തോന്നാം. രുചികളെ തിരിച്ചറിയാനും ക്വാളിറ്റി നിശ്‌ചയിക്കാനും കഴിയുന്നവരാണോ നിങ്ങൾ? എങ്കിൽ നിങ്ങൾക്ക് കോഫി ടേസ്റ്ററാകാം. അങ്ങനെയും ജോലിയോ എന്ന അമ്പരപ്പിലാണോ? വലിയ സാധ്യതകളുള്ള മികച്ച വരുമാനം സ്വന്തമാക്കാനുള്ള ഒരു മാർഗമാണ് ഇത്. ഈ രംഗത്തെക്കുറിച്ച് പറയുമ്പോൾ ഏഷ്യയിലെ തന്നെ ആദ്യത്തെ കോഫീ ടേസ്റ്ററായ ബെംഗളൂരു സ്വദേശിയായ സുനാലിനി മേനോനെ കുറിച്ച് പറയേണ്ടതുണ്ട്.
50 വർഷങ്ങൾക്ക് മുമ്പ് ഇന്ത്യയിലെ ആദ്യത്തെ വനിതാ കോഫി ടേസ്റ്ററായി മാറിയ ആളാണ് സുനാലിനി. അവരുടെ നാവിന് ഒരു ബ്രൂവിൻ്റെ രുചിയോ കാപ്പിയിൽ ഉണ്ടാകുന്ന ഗോമൂത്രത്തിൻ്റെ ഗന്ധമോ കണ്ടെത്താൻ കഴിയും. പുരുഷ മേധാവിത്വമുള്ള ഒരു ഫീൽഡിൽ നിലനിൽക്കൻ പോരാടിയ ആദ്യ വർഷങ്ങളിൽ നിന്നും വ്യത്യസ്തമായി ഇന്ത്യൻ പ്രസിഡൻ്റിൽ നിന്ന് ഫസ്റ്റ് ലേഡി അച്ചീവർ അവാർഡ്, സ്പെഷ്യാലിറ്റിയിൽ നിന്നുള്ള ആൽഫ്രഡ് പീറ്റ് പാഷനേറ്റ് കപ്പ് അവാർഡ് തുടങ്ങി നിരവധി അംഗീകാരങ്ങൾ നേടാനായി. ഇന്ത്യൻ കോഫിയുടെ ഈ അംബാസഡർ, ഗുണനിലവാരമുള്ള കാപ്പികളുടെ നിർമ്മാതാവായി ഇന്ത്യയെ സ്വയം സ്ഥാപിക്കാൻ സഹായിച്ചിട്ടുണ്ട്.
കോഫി ടേസ്റ്റിംഗ് ടെക്നിക്കിനെ കോഫി കപ്പിംഗ് അല്ലെങ്കിൽ കപ്പ് ടേസ്റ്റിംഗ് എന്ന് വിളിക്കുന്നു. ഒരു ബാച്ച് കാപ്പിയുടെ ഗുണനിലവാരം പരിശോധിക്കാൻ സ്വീകരിക്കുന്ന രീതിയാണ് ഇത്. കപ്പിംഗിൽ, കാപ്പിയുടെ വൃത്തി, മധുരം, അസിഡിറ്റി, വായയുടെ സുഖം, രുചി തുടങ്ങിയ വശങ്ങൾ പരിശോധിച്ച് കോഫി സ്കോർ ചെയ്യുന്നു.
Read also: ‘മഞ്ഞുമ്മൽ ബോയ്സ്’ സീൻ മാറ്റി മക്കളെ; പ്രേക്ഷകരെറ്റെടുത്ത് മഞ്ഞുമ്മലിലെ പിള്ളേരുടെ സർവൈവൽ ത്രില്ലർ
കപ്പിംഗ് പ്രോട്ടോക്കോൾ അനുസരിച്ച്, പുതുതായി വറുത്തതും പൊടിച്ചതുമായ കോഫി ബീൻസിലേക്ക് നേരിട്ട് ചൂടുവെള്ളം ഒഴിച്ച് 3-5 മിനിറ്റ് വയ്ക്കും. എന്നിട്ട് ഒരു സ്പൂണിൽ കോഫി ആസ്വദിക്കാം. ഒരു ഗുണനിലവാര നിയന്ത്രണ രീതി എന്നതിനു പുറമേ, കോഫിയെക്കുറിച്ചുള്ള നിങ്ങളുടെ അറിവ് വർദ്ധിപ്പിക്കുന്നതിനുള്ള മികച്ച മാർഗമാണ് കപ്പിംഗ്.
Story highlights- coffee cupping job
