ഒരിക്കൽ സൂപ്പർഹിറ്റ് നായിക; ഇന്ന് അമേരിക്കയിൽ സ്വന്തമായി കാറ്ററിംഗ് ഏജൻസിയുള്ള പാചക വിദഗ്ദ!
കരിയറിൽ ചിലപ്പോൾ വഴിത്തിരിവുകൾ സംഭവിക്കുന്നത് അപ്രതീക്ഷിതമായാണ്. തിളങ്ങി നിന്നിരുന്ന ഒരു മേഖലയിൽ നിന്നും മറ്റൊന്നിലേക്ക് ചുവടുമാറുമ്പോൾ അപ്രതീക്ഷിത വിജയങ്ങളായിരിക്കും ചിലരെ കാത്തിരിക്കുക. അത്തരത്തിൽ ഒരു വലിയ കരിയർ മാറ്റമുണ്ടായ ഹിറ്റ് നായികയുണ്ട് ബോളിവുഡിൽ. താര ദേശ്പാണ്ഡെ എല്ലാവര്ക്കും സുപരിചിതയാകണമെന്നില്ല. കാരണം, സിനിമയിൽ നിന്നും അവർ മാറിനിൽക്കാൻ തുടങ്ങിയിട്ട് നാളുകൾ വളരെയേറെയായി.
2001ൽ വന്ന ‘സ്റ്റൈൽ’ എന്ന ബോളിവുഡ് സിനിമ ഭാഷയ്ക്കും അപ്പുറം ഹിറ്റായി മാറിയതായിരുന്നു. ആളുകൾക്ക് ഇന്നും ആ ചിത്രം മറക്കാൻ കഴിഞ്ഞിട്ടില്ല. ഈ ചിത്രത്തിൽ നിക്കി മൽഹോത്രയുടെ കഥാപാത്രത്തെ അവതരിപ്പിച്ച് താര ദേശ്പാണ്ഡെ ഏറെ കയ്യടി നേടിയിരുന്നു.എന്നാൽ ഇപ്പോഴിതാ, അഭിനയം വിട്ട് പാചകത്തിൽ ഒരു കൈ നോക്കുകയാണ് ഈ പ്രശസ്ത നടി.
പല നായികമാരും അവരുടെ തുടക്കം എത്ര ഗംഭീരമായിരുന്നാലും ചിലപ്പോൾ ഒന്നുരണ്ടു വർഷങ്ങൾക്ക് ശേഷം എവിടെയെന്നില്ലാതെ പോയി മറയും. അങ്ങനെയായിരുന്നു താര ദേശ്പാണ്ഡെയും. 1996ൽ അഭിനയത്തിൽ തുടക്കമിട്ട താര, 2001ൽ ആണ് ഹിറ്റ് ചിത്രമായ സ്റ്റൈലിൽ അഭിനയിച്ചത്. ‘സ്റ്റൈൽ’ എന്ന ചിത്രത്തിൽ നിക്കി മൽഹോത്ര എന്ന കഥാപാത്രത്തെയാണ് താര അവതരിപ്പിച്ചത്. ഈ ചിത്രത്തിന് ശേഷവും അവർ നിരവധി സിനിമകളിൽ പ്രത്യക്ഷപ്പെട്ടു. എന്നാൽ അഭിനയ ലോകത്ത് ചുവടുറപ്പിക്കാൻ കഴിയാതെ വന്നതോടെ വിട പറയാൻ തീരുമാനിച്ചു. ചുരുങ്ങിയ സമയത്തിനുള്ളിൽ, അഭിനയ ലോകത്ത് നിന്ന് അപ്രത്യക്ഷമായ അവർ ഇപ്പോൾ പാചകത്തിൻ്റെ ലോകത്ത് സജീവമായി. അതിൽനിന്നും വരുമാനവും ഉണ്ടാക്കുന്നുണ്ട്.
Read also: ലോകത്തിന്റെ നെറുകയിൽ നിന്നും ഒരു 360 ഡിഗ്രി കാഴ്ച ; അമ്പരപ്പിക്കുന്ന എവറസ്റ്റ് കൊടുമുടിയുടെ ദൃശ്യം
അഭിനയം ഉപേക്ഷിച്ച് പാചകക്കാരിയായ താര, സോഷ്യൽ മീഡിയയിൽ വളരെ സജീവമാണ്. എല്ലാ ദിവസവും അവർ പുതിയ പാചകക്കുറിപ്പുകൾ പങ്കിടുന്നു. നിരവധി ആളുകൾ സോഷ്യൽ മീഡിയയിൽ നടിയെ പിന്തുടരുന്നു. വിഡിയോയിൽ പഴയ നടിയായിരുന്ന താരയെ കാണാൻ സാധിക്കില്ല. വളരെയധികം മാറ്റങ്ങൾ ഇവർക്കുണ്ടായി. അതേസമയം, ഇന്ത്യയിൽ നിന്നും വിവാഹശേഷം ബോസ്റ്റണിലേക്ക് പോയ താര ബോസ്റ്റണിൽ സ്വന്തം കാറ്ററിംഗ് ഏജൻസി നടത്തുകയാണ്.
Story highlights- tara deshpande’s life now
